3 րոպեի ընթերցում
ԱՆՈՆՍ
13 մարտ, 2026
Մամուլի ակումբներ
Ժամը 13:00-ին Sputnik Արմենիա մուլտիմեդիոն մամուլի կենտրոնում տեղի կունենա Մինսկ-Երևան տեսակամուրջ՝ «Կհաջողվի արդյոք Թրամփին Թուրքիային ներքաշել Իրանի հետ հակամարտության մեջ» թեմայով։ Մասնակիցները Մինսկում՝ քաղաքագետ Ալեքսանդր Շատկո, վերլուծաբան, տնտեսական գիտությունների թեկնածու Ալեքսանդր Կոզլով:
Մշակույթ
Ժամը 12:00-ին Եղիշե Չարենցի հուշարձան (Օղակաձև զբոսայգի, ռադիոտան հարևանությամբ): Մարտի 13-ին լրանում է Եղիշե Չարենցի ծննդյան 129-ամյակը: Օրվա առթիվ Եղիշե Չարենցի տուն-թանգարանը թանգարանը նախապատրաստել է տոնական միջոցառումներ. ժամը 12:00-ին՝ Եղիշե Չարենցի հուշարձան, ավանդույթի համաձայն՝ Ե.Չարենցի տուն-թանգարանը, Հայաստանի գրողների միությունը, Երևանի Ե.Չարենցի անվան N67 հիմնական դպրոցը և մի խումբ չարենցասերներ այցելում են Եղիշե Չարենցի հուշարձան և հարգանքի տուրք մատուցում բանաստեղծի հիշատակին: Ժամը 13:30-ին՝ «Չարենց-նամե» պոեմի երկլեզու հրատարակության շնորհանդես, այս տարի հրատարակությունը համալրվեց պարսկերեն թարգմանությամբ՝ աջակցությամբ՝ ՀՀ ԿԳՄՍ նախարարության։ Ժամը 11:00-18:00-ը՝ բացառիկ նմուշի ցուցադրություն՝ «Չգրված թուղթ», Եղիշե Չարենցի չգրված տետրակը՝ 1937 թվականին բանաստեղծի անտիպ ձեռագրերի հետ փրկել է Ռեգինա Ղազարյանը՝ շուրջ տասնյոթ տարի տակառի մեջ հողի տակ պահելով: Ցուցադրվում է առաջին անգամ: Roza Grigoryan, (+ 374) 77 30 34 84:
Ժամը 16:00-ից Երեւանի Կապույտ մզկիթում /Մաշտոցի պող.12/ հայ մեծանուն բանաստեղծ Եղիշե Չարենցի ծննդյան 129-ամյակի առթիվ տեղի կունենան բանաստեղծի հիշատակին նվիրված արարողությունը եւ «Չարենց-նամե» պոեմի պարսկերեն թարգմանության շնորհանդեսը: Երեւանում Իրանի Իսլամական Հանրապետության դեսպանությունը եւ Եղիշե Չարենցի տուն–թանգարանը պատիվ ունեն հրավիրելու այս միջոցառմանը, որը տեղի կունենա Երեւանի Կապույտ մզկիթում:
Ժամը 17:30-ին Հայաստանի ազգային գրադարանի մեծ ցուցասրահում /Թամանյանական մասնաշենք/ կկայանա հատուկ միջոցառում նվիրված Եղիշե Չարենցի ծննդյան օրվան, որը կազմակերպվում է «ԱՐԱՐ» երգչախմբի հետ համագործակցությամբ: Միջոցառման շրջանակում կներկայացվի «Ձայնադարանը»՝ յուրօրինակ նախագծի մեկնարկը, որի նպատակն է ընթերցողներին հնարավորություն տալ լսելու Չարենցի պոեզիայի հիման վրա ստեղծված խմբերգերը՝ երգչախմբի կատարմամբ: Բացի այդ, մեծ ցուցասրահում կտեղադրվեն անլար ականջակալներ, որոնք ազատ օգտագործման հնարավորություն կընձեռեն օրվա ընթացքում՝ ընթերցողներին թույլ տալով ցանկացած պահի լսել երգչախմբի կատարումները՝ հիմնված տարբեր հեղինակների ստեղծագործությունների վրա: ՀԱԳ հանրային կապերի բաժին, 033 62 35 13: