Իրանի միացյալ ռազմական հրամանատարությունը որպես թիրախ է հայտարարել տարածաշրջանի բանկերն ու ֆինանսական հաստատությունները
1 րոպեի ընթերցում
Իրանի միացյալ ռազմական հրամանատարությունը հայտարարել է, որ այսուհետ Մերձավոր Արևելքում բանկերն ու ֆինանսական հաստատություններն իրենց համար կդառնան թիրախ։ Ինչպես հաղորդում է «Արմենպրես»-ը, այս մասին հայտնում է Associated Press գործակալությունը։
Այս հայտարարությունն արվել է այն բանից հետո, ինչ իրանական լրատվամիջոցները հաղորդեցին իսրայելա-ամերիկյան ավիահարվածների հետևանքով Թեհրանում գտնվող բանկի աշխատակիցների զոհվելու մասին։
Associated Pressը գրում է, որ այս հայտարարությամբ հատկապես վտանգի տակ են հայտնվում Դուբայը (ԱՄԷ), որտեղ գտնվում են բազմաթիվ միջազգային ֆինանսական հաստատություններ, ինչպես նաև Սաուդյան Արաբիան և Բահրեյնը։