Իրանի առաջնորդների խորհուրդը քննարկել է նոր գերագույն առաջնորդի ընտրության կազմակերպման հարցը

Իրանի առաջնորդության խորհուրդը հանդիպել է և քննարկել, թե ինչպես անցկացնել երկրի Փորձագետների ժողովի նիստը, որը կընտրի երկրի նոր գերագույն առաջնորդին։ «Արմենպրես»-ի փոխանցմամբ՝ այս մասին հաղորդում է The Associated Press-ը՝ վկայակոչելով Իրանի պետական ​​հեռուստատեսությունը։

Առաջնորդների խորհրդի կազմում են նախագահ Մասուդ Փեզեշքիանը, դատական ​​իշխանության ղեկավար Ղոլամ Հոսեյն Մոհսենի Էջեհին և հոգևորական այաթոլլա Ալի Ռեզա Արաֆին։

Գերագույն առաջնորդի ընտրության վերաբերյալ, սակայն, մանրամասներ չեն հաղորդվել։

Իրանի դեմ ամերիկա-իսրայելական ավիահարվածների ժամանակ հարձակման են ենթարկվել Փորձագետների ժողովի հետ կապված շենքերը։ Հարվածների հետևանքով զոհվել է Իրանի գերագույն առաջնորդ այաթոլլա Ալի Խամենեին։ Նա Իրանը ղեկավարում էր 37 տարի՝ 1989 թվականին Իսլամական Հանրապետության հիմնադիր Իմամ Խոմեյնիի մահվանից հետո։