368.59
Երևանից չվերթներ են չեղարկվել դեպի ԱՄԷ և Քուվեյթ
2 րոպեի ընթերցում
Իրանի Իսլամական Հանրապետությունում և հարակից երկրներում ստեղծված իրավիճակով պայմանավորված՝ Հայաստանի «Զվարթնոց» օդանավակայանից չվերթներ են չեղարկվել դեպի Արաբական Միացյալ Էմիրություններ և Քուվեյթ։
«Արմենպրես»-ի փոխանցմամբ՝ այս մասին նշված է օդանավակայանի պաշտոնական կայքում։
Ըստ չվացուցակի՝ չեղարկվել են դեպի Աբու Դաբի և Քուվեյթ չվերթները, Դուբայ ուղղության 3 չվերթ ուշացում է արձանագրել։
Օդավանակայանի մամուլի ծառայությունից «Արմենպրես»-ին հայտնեցին, որ այս պահին այլ չվերթների հետ կապված չեղարկումներ չկան։
Փետրվարի 28-ի առավոտյան Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։ Իրանական լրատվամիջոցներն էլ հայտնել են Թեհրանում, Սպահանում և մի շարք այլ քաղաքներում պայթյունների մասին։
ԱՄՆ նախագահ Դոնալդ Թրամփը ևս հայտարարել է Իրանի դեմ լայնածավալ մարտական գործողություններ սկսելու մասին՝ շեշտելով, որ «դրանց նպատակն ամերիկյան ժողովրդին պաշտպանելն է Իրանի ռեժիմի սպառնալիքներից»։
Իրանն ի պատասխան թիրախավորել է տարածաշրջանի տարբեր երկրներում ԱՄՆ ռազմաբազաները, ինչպես նաև հայտարարել է Իսրայելի ուղղությամբ հրթիռներ և ԱԹՍ-ներ ուղարկելու մասին։
Բաժանորդագրվեք մեր ալիքին Telegram-ում