1 րոպեի ընթերցում
Եմենի հութիները որոշել են վերսկսել հրթիռներով և անօդաչու թռչող սարքերով հարձակումները Իսրայելի նկատմամբ՝ ի աջակցություն Իրանի:
«Արմենպրես»-ի փոխանցմամբ՝ այս մասին հայտնում է Times of Israel-ը՝ հղում անելով հութիների բարձրաստիճան պաշտոնյաներին:
Զրուցակիցներից մեկը նշել է, որ առաջին հարվածը կարող է լինել արդեն այսօր:
Փետրվարի 28-ի առավոտյան Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։ Իրանական լրատվամիջոցներն էլ հայտնել են Թեհրանում, Սպահանում և մի շարք այլ քաղաքներում պայթյունների մասին։ Իրանում նշել են, որ պատրաստվում են պատասխան հարված հասցնել Իսրայելին։ ԱՄՆ նախագահ Դոնալդ Թրամփը ևս հայտարարել է Իրանի դեմ լայնածավալ մարտական գործողություններ սկսելու մասին՝ շեշտելով, որ «դրանց նպատակն ամերիկյան ժողովրդին պաշտպանելն է Իրանի ռեժիմի սպառնալիքներից»։