3 րոպեի ընթերցում
ԱՆՈՆՍ
25 փետրվար, 2026
ՀՀ ԱԺ
Ժամը 15:00-ին Ազգային ժողովի 114 դահլիճում տեղի կունենա Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նիստը:
Պետական կառույցներ
Ժամը 11:00-ին ՀՀ ԳԱԱ նախագահության շենքի նիստերի դահլիճում (Բաղրամյան 24) տեղի կունենա «Palgrave Macmillan» գիտական հեղինակավոր հրատարակչությունում լույս տեսած «Կոնֆիլկտ, տարածք և անդրազգայնություն. ղարաբաղյան երկրորդ պատերազմի ազգագրություն» (Conflict, Space and Transnationalism: An Ethnography of the Second Nagorno-Karabakh War. Palgrave Studies in Urban Anthropology, Palgrave Macmillan. 2025) գրքի շնորհանդես-քննարկումը։ Գրքի հեղինակներն են՝ ՀՀ ԳԱԱ Հնագիտության և ազգագրության ինստիտուտի մշակութային մարդաբանության բաժնի առաջատար գիտաշխատող Արսեն Հակոբյանը և Իտալիայի Մեսսինայի համալսարանի մարդաբանության և ազգաբանության ասոցացված պրոֆեսոր Մարչելլո Մոլլիկան։ Աշխատության մեջ ներկայացված է Ղարաբաղյան հակամարտության և 44-օրյա պատերազմի վերաբերյալ համապարփակ ուսումնասիրություն։
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում տեղի կունենա Մոսկվա-Երևան տեսակամուրջ՝ «Կարո՞ղ է անհնարինը հնարավոր դառնալ» թեմայով: Տեսակամուրջի ընթացքում քաղաքական մեկնաբան, Կենտրոնական Ասիայի և Կովկասի հարցերով փորձագետ Անդրեյ Արեշևը կներկայացնի Հարավային Կովկասում տեղի ունեցող իրադարձությունների վերաբերյալ իր տեսլականը։ Փորձագետը նաև կգնահատի տարածաշրջանում Վրաստան-Աբխազիա, Հայաստան-Ադրբեջան երկաթուղային հաղորդակցության ապաշրջափակման հավանական տարբերակները և վերջապես որքանով է իրագործելի Հայաստանի վարչապետի գաղափարը՝ «Հարավկովկասյան երկաթուղի» ՓԲԸ-ն հանձնել որևէ «բարեկամական» երկրի:
Ժամը 14:00-ին «Դեբատ» բանավեճի ակումբը /Արշակունյաց 3 Ա/ հրավիրում է հերթական քննարկման։ Օրվա թեման՝ Ջեյ Դի Վենսի պաշտոնական այցի անվատանգային ռիսկերի արծարծում, խորհրդարանական ընտրություններից առաջ նախընտրական նոր դաշինքների կնքում և ադ ֆոնին՝ հնարավոր ներքաղաքական կանխատեսելի և անկանխատեսելի զաևգացումներ։ Օրվա բանախոսներ՝ ՄԱՍԿ կուսակցության նախագահ, նախկին ՔՊ-ական Հովիկ Աղազարյան, «Դեմոկրատական այլընտրանք» կուսակցության նախագահ Սուրեն Սուրենյանց և անկախ քաղաքական մեկնաբան Սերգեյ Շաքարյանց։ +37493530238, 095530236, 0033530338:
Մշակույթ
Ժամը 15:00-ին Հայաստանի ազգային գրադարանում կկայանա Հրաչյա Աճառյանի ծննդյան 150-ամյակին նվիրված գրականության ցուցադրություն և հանրային դասախոսություն։ Բանախոս՝ ՀՀ ԳԱԱ լեզվի ինստիտուտի ավագ գիտաշխատող, բգթ, դոցենտ Ջեմմա Բառնասյան։ Հանդիպումը նախատեսված է ուսանողների, աշակերտների, բանասերների, լեզվաբանների, ընթերցասերների և այլոց համար։