2 րոպեի ընթերցում
Պետական կառույցներ
Ժամը 11:30-ին Կ.Դեմիրճյանի անվան մարզահամերգային համալիրում կկայանա մամուլի ասուլիս՝ Երևանում անցկացվելիք Սպորտային հրաձգության Եվրոպայի մեծահասակների առաջնությանն ընդառաջ: Ասուլիսի բանախոսներ՝ ՀՀ ԿԳՄՍ նախարար Ժաննա Անդրեասյան, Հայաստանի հրաձգության ֆեդերացիայի նախագահ Արթուր Հովհաննիսյան, Հրաձգության հավաքականի գլխավոր մարզիչ Սեյրան Նիկողոսյան: Առաջնությունը կանցկացվի փետրվարի 27-ից մարտի 5-ը Կ.Դեմիրճյանի անվան մարզահամերգային համալիրում: Արդեն իսկ մրցաշարին մասնակցության հայտ են ներկայացրել ավելի քան 40 երկրի շուրջ 400 մարզիկ և մարզիչ։ Առաջնության շրջանակում կխաղարկվի մեդալների 70 հավաքածու։ ԿԳՄՍՆ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանի ասուլիսը։ Թեմա. զբոսաշրջության ռազմավարական ծրագիրը, ոլորտում սպասվող փոփոխությունները։
Մամուլի ակումբներ
Ժամը 13:00-ին Մամուլի ազգային ակումբում /Արշակունյաց 4, 10-րդ հարկ, Մամուլի շենք) «Հրատապ թեմա» ծրագրի շրջանակներում կկայանա հանդիպում «Թրանսփարենսի Ինթերնեշնլ հակակոռուպցիոն կենտրոնի» հակակոռուպցիոն փորձագետ Վարուժան Հոկտանյանի հետ։ Թեմաները՝ «Կուռուպցիայի դեմ պայքարը և կոռուպցիոն հիմնական ռիսկերը Հայաստանում», «Կոռուպցիայի ընկալման համաթվի փոփոխությունները 2018թ. ապրիլյան հեղափոխությունից հետո. քարոզչություն և իրականություն»։