4 րոպեի ընթերցում
ԱՆՈՆՍ
30 հունվար, 2026
ՀՀ ԱԺ
Ժամը 11:00-ին Ազգային ժողովի 334 դահլիճում «Քաղաքացիական պայմանագիր» խմբակցությունը կազմակերպում է աշխատանքային քննարկում՝ Առողջության համընդհանուր ապահովագրության համակարգի գործարկման ընթացքի վերաբերյալ: Քննարկմանը հրավիրված է Առողջապահության նախարար Անահիտ Ավանեսյանը: Քննարկման ուղիղ հեռարձակմանը կարող եք հետեւել «Քաղաքացիական պայմանագիր» խմբակցության ֆեյսբուքյան էջում: Հանդիպումը կարող են լուսաբանել Ազգային ժողովում հավատարմագրված լրատվամիջոցների ներկայացուցիչները:
Պետական կառույցներ
Ժամը 12:00-ին Սննդամթերքի անվտանգության տեսչական մարմնի դահլիճում (Կոմիտաս 49/2) տեղի կունենա ՍԱՏՄ ղեկավար Տիգրան Պետրոսյանի մամուլի ասուլիսը: Թեման՝ ՍԱՏՄ 2025թ. գործունեության արդյունքները: 095 062506, 094 002506:
Կուսակցություններ, ՀԿ-ներ, միջազգային կազմ-ներ
Ժամը 11:00-ին «Անի գրանդ» հյուրանոցի «Պանորամային» սրահում տեղի կունենա SAFER նախաձեռնության մեկնարկային միջոցառումը։ DSIK Armenia-ն պաշտոնապես մեկնարկում է «Էներգաարդյունավետության և վերականգնվող էներգիայի լուծումների և խորհրդատվության խթանում Հայաստանում» (SAFER) նախաձեռնությունը, որն իրականացվում է Եվրոպական միության և Գերմանիայի կառավարության համաֆինանսավորմամբ ու Գերմանական միջազգային համագործակցության ընկերության (GIZ) կողմից իրականացվող «Կայուն էներգիա հանուն Հայաստանում կլիմայակայուն համայնքային զարգացման» (SE4Resilience) ծրագրի շրջանակում՝ ՀՀ տարածքային կառավարման և ենթակառուցվածքների նախարարության հետ համագործակցությամբ։ 093668013:
Ժամը 11:00-ին Ռուս-հայկական մարդասիրական արձագանքման կենտրոնում (RACGR բազա, Կոտայքի մարզ, Բալահովիտ, 2-րդ փողոց) կանցկացվեն ցուցադրական վարժանքներ, հրշեջ-փրկարարական սարքավորումների և տեխնիկայի ցուցադրություն։ Ներկա կլինեն նաև ՆԳՆ փրկարար ծառայության տնօրեն, ՆԳ նախարարի տեղակալ Արամ Ղազարյանը և ՌԴ քաղաքացիական պաշտպանության, արտակարգ իրավիճակների և բնական աղետների հետևանքների վերացման նախարարի տեղակալ Վյաչեսլավ Բուտկոն։
Ժամը 14:00-ից «Իբիս» հյուրանոցում (Հյուսիսային պողոտա 5/1) Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) Ժողովրդավարության ազգային հիմնադրամի աջակցությամբ կազմակերպում է քննարկում, որի ընթացքում կներկայացվեն ԹԻՀԿ «Երևան մոնիտոր» ծրագրի շրջանակում իրականացված ոլորտային ուսումնասիրությունների արդյունքները։ Միջոցառման նպատակն է շահագրգիռ կողմերին ներկայացնել և քննարկել Երևան քաղաքում հանրային տարածքների կառավարման ոլորտներում իրականացված մոնիտորինգների արդյունքները, բացահայտված խնդիրները և դրանց լուծմանն ուղղված առաջարկությունները։ + (374) 77 528910:
Մշակույթ
Ժամը 11:00-ից Հայաստանի ազգային պատկերասրահում հուվարի 30-ից կցուցադրվեն բարեխոս «Սուրբ Սարգիս» և վիշապասպան «Սուրբ Գևորգ» սրբապատկերները։ Պատկերասրահում ձևավորված ավանդույթի համաձայն, այս տարի հունվարի 31-ին՝ Սուրբ Սարգիս զորավարի տոնին ընդառաջ, թանգարանի Հայ հին և միջնադարյան արվեստի սրահներում կցուցադրվեն 18-19-րդ դարերի անհայտ հայ նկարիչների «Սուրբ Սարգիս» և «Սուրբ Գևորգ» սրբապատկերները։ Առաջին սրբանկարը պատկերասրահ է բերվել Աշտարակի Կարմրավոր Սուրբ Աստվածածին եկեղեցուց (7-րդ դար) 1939 թվականին, երկրորդը՝ Բնագիտության թանգարանից 1957-ին։ 077305341, 094730350:
Ժամը 19:00-ին Կոմիտասի թանգարան-ինստիտուտի դահլիճում կկայանա ԱՐԱՔՍ խմբի երկար սպասված համերգը։ Ծրագրում՝ հայկական հրաշալի երժշտություն՝ արաքսյան մշակումներով։