2 րոպեի ընթերցում
ԱՆՈՆՍ
21 հունվար, 2026
ՀՀ ԱԺ
Ժամը 10:00-ին Ազգային ժողովում աշխատանքը կշարունակի ՀՀ ազգային ժողովի հերթական նիստը:
Պետական կառույցներ
Ժամը 11:00-ին «Արամ Խաչատրյան» համերգասրահի «Հարմոնիա» կամերային սրահում (Թումանյան 54) կկայանա ՀՀ ֆինանսների նախարար Վահե Հովհաննիսյանի՝ 2025 թվականի ամփոփիչ մամուլի ասուլիսը: Ասուլիսի շրջանակներում նախատեսվում է անդրադառնալ նախորդ ֆինանսական տարվա գլխավոր ցուցանիշներին, կարևոր իրադարձություններին, ոլորտային հիմնական ձեռքբերումներին, ինչպես նաև 2026 թվականի համար նախանշված նպատակներին և առաջնահերթություններին։ +374 (41) 177 147:
ԲՈՒՀ-եր, կրթական հաստատություններ
Ժամը 11:00-ին Հայաստանի պետական տնտեսագիտական համալսարանի կենտրոնական մասնաշենքում (Նալբանդյան 128) կմեկնարկի «ՄԿՈՒ հաստատությունների դասախոսների հետազոտական և թվային կարողությունների զարգացում» վերապատրաստման ծրագիրը՝ «Ստեղծարար մասնագետներ՝ տնտեսության համար» կարգախոսով։ Ծրագրի մասնակիցներին և հյուրերին ողջույնի խոսք կհղեն ՀՀ ԿԳՄՍ նախարարի տեղակալ Արաքսիա Սվաջյանը, Մասնագիտական կրթության որակի ապահովման ազգային կենտրոնի տնօրենի պաշտոնակատար Ռուբեն Թոփչյանը, Հ.Հովնանյան ընտանեկան հիմնադրամի գործադիր տնօրեն Կորյուն Խաչատուրյանը և Հայաստանի պետական տնտեսագիտական համալսարանի ռեկտոր Արմեն Գրիգորյանը։ 093 645564: