2 րոպեի ընթերցում
ԱՆՈՆՍ
17 հունվար, 2026
Պետական կառույցներ
Ժամը 12:00-ին Բաղրամյան 6 հասցեում տեղի կունենա ՄԻԵԴ-ում հայ գերիների շահերի ներկայացուցիչ, Միջազգային և համեմատական իրավունքի կենտրոնի ղեկավար Սիրանուշ Սահակյանի մամուլի ասուլիսը՝ Բաքվում ապօրինի պահվող հայ գերիների և քաղբանտարկյալների նկատմամբ իրականացվող «դատավարության» տարելիցի կապակցությամբ: Free Armenian Prisoners թիմ:
Մշակույթ
Ժամը 18:00-ին Արդի արվեստի կենտրոնում (Մաշտոցի պող.7ա) կենտրոնը մեկնարկում է 2026 թվականը յուրօրինակ նախագծով՝ համագործակցելով Ma 間 պատկերասրահի հետ, ներկայացնում է «Ink and Silk» խորագրով ցուցահանդեսը, որը ներառում է Էլեն Սագրադյանի անձնական հավաքածուի ընտրված ցուցանմուշներ։ Ցուցահանդեսը միավորում է ճապոնական փայտափորագրություններ, Հոկուսայի մանգաներ և ավանդական կիմոնոներ՝ բացահայտելով թանաքի և մետաքսի, պատկերների և գործվածքների, արվեստի և ծեսի միջև ձևավորված փոխկապակցվածությունը ճապոնական մշակույթում։ Ցուցադրությանը զուգահեռ նախատեսվում է ուղեկցող միջոցառումների շարք, այդ թվում՝ մատչա թեյի պատրաստման աշխատարան, կիմոնո կրելու ծեսի պերֆորմանս-աշխատարան, թեմատիկ դասախոսություն և այլ մշակութային ծրագրեր։