Մեծ Բրիտանիայի ԱԳ նախարարությունը խորհուրդ է տվել քաղաքացիներին խուսափել Իսրայել այցելելուց

Մեծ Բրիտանիայի իշխանությունները խորհուրդ են տվել իրենց քաղաքացիներին խուսափել Իսրայել ուղևորություններից՝ առանց ծայրահեղ անհրաժեշտության:

«Ներկայում արտաքին գործերի նախարարությունը խորհուրդ է տալիս ձեռնպահ մնալ Իսրայել ցանկացած ուղևորություններից, բացառությամբ ծայրահեղ անհրաժեշտության դեպքերի», - «Արմենպրես»-ի փոխանցմամբ, ասվում է Բրիտանիայի ԱԳՆ տարածած հաղորդագրության մեջ։

Բրիտանական լրատվամիջոցները նշում են, որ այս հայտարարությունը պայմանավորված է Իրանում վերջին օրերի զարգացումների և հնարավոր ռազմական գործողությունների անցկացման հավանականության հետ։