2 րոպեի ընթերցում
ԱՆՈՆՍ
13 հունվար, 2026
ՀՀ նախարարություններ
Ժամը 10:30-11:15-ը ՀՀ ՊՆ վարչական համալիրում տեղի կունենա ՀՀ պաշտպանության նախարար Սուրեն Պապիկյանի մամուլի ասուլիսը /ժամը 12:00-ին/: +374 95 103033 - Աստղիկ։
Կուսակցություններ, ՀԿ-ներ, միջազգային կազմ-ներ
Ժամը 12:00-ին ՀՅԴ «Սիմոն Վրացյան» կենտրոնում (Հանրապետության փ. 30) կկայանա մամուլի ասուլիս: 2026 թվականի հունվարի 10-ին Երևանում տեղի է ունեցել ՀՅԴ Հայաստանի կազմակերպության 29-րդ (արտահերթ) Գերագույն ժողովը, որը քննել է սպասվող խորհրդարանական ընտրություններին ՀՅԴ-ի մասնակցության ձևաչափի հարցը։ Ժողովի ընդունած հայտարարությունը և որոշումները ներկայացնելու համար ԶԼՄ ներկայացուցիչներին հրավիրում ենք լուսաբանելու կայանալիք մամուլի ասուլիսը։
Ժամը 16:30-ին Հայաստանում ԵՄ դեսպանության մոտ AntiFake.am-ի թիմը պիկետ կիրականացնի, որի ընթացքում հրատապ նամակ կհանձնի ԵՄ դեսպան Վասիլիս Մարագոսին՝ «Իմնեմնիմի» փոդքասթի հեղինակներ և վարողներ Նարեկ Սամսոնյանի և Վազգեն Սաղաթելյանի կալանքը երեք ամսով երկարացնելու դատավոր Մանվել Շահվերդյանի որոշման և Նարեկ Սամսոնյանի՝ դատարանի դահլիճում հայտարարված անժամկետ հացադուլի առնչությամբ։ Այնուհետև նույնանման նամակ կհանձնվի ԱՄՆ դեսպանության մոտ՝ ԱՄՆ դեսպանին։ Tel: (+374 91) 57-27-18: