2 րոպեի ընթերցում
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ սփյուռքի գործերի գլխավոր հանձնակատար Զարեհ Սինանյանի ասուլիսը։ Թեմա. ՀՀ սփյուռքի գործերի գլխավոր հանձնակատարի գրասենյակի 2025 թվականի աշխատանքները, 2026-ի անելիքները։
Կուսակցություններ, ՀԿ-ներ, միջազգային կազմ-ներ
Ժամը 12։00-ին Վանաձորի «Օպտիմում» կլինիկայում (Տ. Մեծի 29-19) «Լուսաստղ» հասարակական կազմակերպությունը հրավիրում է մասնակցելու պանելային քննարկման, որը կազմակերպվում է «Համընդհանուր ներառում 2. բյուջեից քաղաքականություն» ծրագրի շրջանակում՝ Եվրոպական միության ֆինանսական աջակցությամբ։ Պանելային քննարկման թեման է՝ «Ներառական կրթության արձագանքման և հետադարձ կապի միասնական համակարգ»։ Քննարկման նպատակն է մասնագիտական և խորհրդատվական ձևաչափով անդրադառնալ ներառական կրթության ոլորտում գործող արձագանքման և հետադարձ կապի մեխանիզմների կատարելագործման հնարավորություններին՝ կանխարգելման, մեթոդական աջակցության և համակարգային բարելավման համատեքստում։ Օրակարգի շրջանակում նախատեսվում է քննարկել՝ · ներառական կրթության գործընթացում ի հայտ եկող խնդիրների վաղ արձագանքման հնարավոր մեխանիզմները, · վերահսկողական և կանխարգելիչ գործառույթների արդյունավետ համադրման մոտեցումները, · արձագանքման գործընթացների թափանցիկության և իրավաչափության ապահովման հարցերը։