2 րոպեի ընթերցում
ԱՆՈՆՍ
09 հունվար, 2026
Պետական կառույցներ
Ժամը 11:30-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարար Արսեն Թորոսյանի ասուլիսը։ Թեմա. նախարարը կներկայացնի նախարարության գործունեության հիմնական ուղղությունները, սոցիալական պաշտպանության ոլորտում 2025 թվականի ընթացքում իրականացված ծրագրերի արդյունքները, ընթացիկ ոլորտային բարեփոխումներն ու առաջիկա անելիքները։
Մշակույթ
Ժամը 12:30-ին Կոմիտասի անվան պանթեոն: Կինոյի և պատկերային պոեզիայի մեծագույն վարպետ Սերգեյ Փարաջանովի ծննդյան 102-ամյակի առթիվ թանգարանը կազմակերպում է ավանդական դարձած հիշատակի միջոցառումներ. ժամը 12:30-ին՝ այցելություն Կոմիտասի անվան պանթեոն, ժամը 14:00-ին՝ «Ֆիլմեր և հայտնիներ» խորագրով ցուցահանդեսի բացում և «Կոլաժ ինքնանկարի ֆոնի վրա» գրքի շնորհանդես։ Սերգեյ Փարաջանովի թանգարան:
Ժամը 14:00-ին Երևանի Կապույտ մզկիթում կկայանա Իրանի պատմական հուշարձաններին և զբոսաշրջային տեսարժան վայրերին նվիրված լուսանկարչական ցուցահանդեսի բացումը, որը հնարավորություն է ընձեռում մեկ հարկի տակ բացահայտելու Իրանի բազմադարյա պատմության, ճարտարապետական ժառանգության և բնական հարստությունների գեղարվեստական պատկերը։ ՀՀ-ում ԻԻՀ դեսպանության մշակույթի կենտրոն, 094901034: