2 րոպեի ընթերցում
ԱՆՈՆՍ
25 դեկտեմբեր, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
ԲՈՒՀ-եր, կրթական հաստատություններ
Ժամը 11:00-ին Ճարտարապետության և շինարարության Հայաստանի ազգային համալսարան կայցելեն ՀՀ-ում «Россотрудничествօ» ներկայացուցչության, «Ռուսական հումանիտար առաքելություն» ինքնավար ոչ առևտրային կազմակերպության ներկայացուցչության ղեկավարները, աշխատակիցները: Նախատեսվում է հանդիպում ՃՇՀԱՀ ռեկտորի, պրոռեկտորների, ՊԴ, վարչական կազմի և ուսանողների հետ: Այցի հիմնական նպատակն է՝ պատվոգրի հանձնում ՃՇՀԱՀ ռեկտոր Մ.Բարսեղյանին, ինչպես նաև նախատեսվում է շինարարության ոլորտին առնչվող 18 միավոր մասնագիտական գրականության նվիրատվություն համալսարանին:
Մշակույթ
Ժամը 19:00-ին Երևանի Հրաչյա Ղափլանյանի անվան դրամատիկական թատրոնում կկայանա «Փոքրիկ իշխանը» ներկայացման փակ պրեմիերան։ Ներկայացումը չի սահմանափակվում միայն մանկական տեսանկյունով. այն բացում է երկխոսություն երեխայի և մեծահասակի միջև։ Իմերսիվ սարքավորումների, անիմացիոն պատկերների և թատերական տեխնիկաների միջոցով հանդիսատեսը հայտնվում է Փոքրիկ իշխանի լուսավոր, երազային աշխարհում։ Ներկայացման ստեղծագործական թիմում ընդգրկված են արվեստագետներ, անիմատորներ, դիզայներներ ինչպես Հայաստանից, այնպես էլ արտերկրից։ Այս համադրության արդյունքում ստեղծվել են բարձրորակ ինովացիոն լուծումներ։ Ստեղծագործության բեմականացման հեղինակը և բեմադրիչը Գրիգոր Խաչատրյանն է։ Նախագիծն իրականացվում է ism. մեդիա-փրոդաքշն ընկերության հետ համագործակցությամբ։