4 րոպեի ընթերցում
ԱՆՈՆՍ
16 դեկտեմբեր, 2025
ՀՀ ԱԺ
Ժամը 09:00-ին Ազգային ժողովի 114 դահլիճում կկայանա Ֆինանսավարկային եւ բյուջետային հարցերի մշտական հանձնաժողովի արտահերթ նիստը:
Ժամը 11:00-ին Ազգային ժողովում ՀՀ սահմանադրության 100-րդ եւ «Ազգային ժողովի կանոնակարգ» սահմանադրական օրենքի 41-րդ հոդվածների համաձայն՝ ՀՀ կառավարության նախաձեռնությամբ կկայանա արտահերթ նիստ:
Պետական կառույցներ
Ժամը 10:30-ին «Աբովյան» քրեակատարողական հիմնարկում Արդարադատության նախարարության Քրեակատարողական ծառայությունը կազմակերպում է լրագրողների շրջայց։ Շրջայցը կիրականացվի Քրեակատարողական ծառայության պետ Ծովինար Թադևոսյանի ուղեկցությամբ։ Շրջայցի նպատակն է ներկայացնել «Աբովյան» ՔԿՀ-ում իրականացվող ծրագրերը, պայմանները, ընթացող բարեփոխումները և պատասխանել լրագրողներին հետաքրքրող հարցերին։ Անհրաժեշտության դեպքում շրջայցից հետո տեղի կունենա փակ հանդիպում-քննարկում Ծովինար Թադևոսյանի հետ, որը չի լուսաբանվի։ ՔԿՀ-ում սահմանված է մուտքի կարգ. անձնական տվյալների ստուգում (անձնագրի և/կամ նույնականացման քարտի պարտադիր առկայություն), առկա տեխնիկական միջոցները պարտադիր կգրանցվեն, անվտանգության կանոնների ներկայացում։ Նկարահանման և այլ սահմանափակումներ. թույլատրված է նկարահանել միայն այն տարածքներում, որոնք կցուցադրեն պատասխանատուները։ Արգելվում է նկարահանել՝ անվտանգության սարքավորումները, պահակակետեր, անցագրային մեխանիզմներ, ազատությունից զրկված անձանց դեմքերը (բացառությամբ նախապես համաձայնեցված դեպքերի), արգելվում է կիրառել ուղիղ եթեր, շարժվել միայն ուղեկցողների կողմից նշված երթուղով, ազատությունից զրկված անձանց հետ հարցազրույցներ իրականացնել և զրուցել միայն նրանց համաձայնությամբ, արտակարգ իրավիճակում լրագրողները պարտավոր են անհապաղ կատարել անվտանգության աշխատակիցների հրահանգները։ Կարեն, Տաթև, Հովհաննես Մկրտչյան:
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի իմունականխարգելման և կառավարելի վարակիչ հիվանդությունների համաճարակաբանության վարչության պետ Սվետլանա Գրիգորյանի, ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի վիճակագրության և վերլուծության բաժնի պետ Աիդա Հովհաննիսյանի ասուլիսը։ Թեմա. սուր շնչառական վարակներով պայմանավորված հանրապետությունում առկա իրավիճակն ու պատվաստումային գործընթացը։
Ժամը 13:00-ին Հայաստանի ազգային պատկերասրահում (8-րդ հարկ, Մշակույթի զարգացման հիմնադրամ) կկնքվի համագործակցության հուշագիր Մշակույթի զարգացման հիմնադրամի և Ռուս-Հայկական (Սլավոնական) համալսարանի միջև։ Հուշագրով նախատեսվում է համագործակցություն Համալսարանի «Կոմունիկացիոն դիզայն» կրթական ծրագրի շրջանակում, որը իրականացվում է Ռուս-Հայկական (Սլավոնական) համալսարանի և ՌԴ «Տնտեսագիտության բարձրագույն դպրոց» բուհի Դիզայնի դպրոցի համագործակցությամբ։ Roza Grigoryan:
Ժամը 13:50-ին Կենտրոնական բանկում կկայանա ՀՀ ԿԲ նախագահ Մարտին Գալստյանի ասուլիսը՝ վերաֆինանսավորման տոկոսադրույքի վերաբերյալ: Ասուլիսը, ինչպես նաև ուղիղ եթերով ասուլիսի հեռարձակումը կսկսվի ժամը 14:00-ին: Ունենալ անձը հաստատող փաստաթուղթ: 592592 (ներքին 0702)։