1 րոպեի ընթերցում
ԱՆՈՆՍ
13 դեկտեմբեր, 2025
Կուսակցություններ, ՀԿ-ներ, միջազգային կազմ-ներ
Ժամը 12:40-ին տեղի կունենա «Լուսավոր Հայաստան» կուսակցության հինգերորդ համագումարը։ Համագումարի ընթացքում կհնչեն ելույթներ ներկա քաղաքական իրավիճակի վերաբերյալ և կձևավորվեն կուսակցության կառավարման մարմինները։ Համագումարի ավարտին ընտրված կառավարման խորհրդի անդամները և նախագահը կպատասխանեն պատվիրակների և լրագրողների հարցերին։ Հասցե՝ Բաղրամյան 1, հեռ.՝ +374 98 474816:
Մշակույթ
Ժամը 15:00-ին Գրականության և արվեստի թանգարանի Կոմիտասի անվան դահլիճում կկայանա պոլսահայ բանաստեղծ Զահրատի «Կաղանդի տոպրակներ» գրքի շնորհանդեսը: Ընտրովի բանաստեղծությունների այս ինքնատիպ հավաքածուն, որն օրերս լույս է տեսել ԳԱԹ հրատարակչությամբ, Ամանորի տոներին ընդառաջ յուրատեսակ նվեր է ընթերցողին։ Գիրքը կազմելու գաղափարը ծնվել է գրողի՝ ԳԱԹ-ում պահվող հարուստ արխիվի գիտական մշակման և ուսումնասիրության ընթացքում։ Միջոցառման ընթացքում կհնչեն Զահրատի բանաստեղծությունները։ +374 10 563641: