3 րոպեի ընթերցում
ԱՆՈՆՍ
10 դեկտեմբեր, 2025
Պետական կառույցներ
Ժամը 09:30-ին «Արմենիա Մարիոթ» հյուրանոցի «Տիգրան Մեծ» սրահում տեղի կունենա միջազգային համաժողով՝ Մարդու իրավուքների պաշտպանության միջազգային օրվա կապակցությամբ։ Թեմա՝ «Էթիկական չափորոշիչները իրավահավասարության եվ հակախտրականության երաշխավորման ոլորտում»: Բացման խոսք՝ ՀՀ մարդու իրավունքների պաշտպան Անահիտ Մանասյան: Ողջույնի խոսք՝ ՀՀ նախագահ Վահագն Խաչատուրյան (ենթակա է հաստատման), ՀՀ ԱԺ նախագահ Ալեն Սիմոնյան, ԵՄ պատվիրակության ղեկավար, դեսպան Վասիլիս Մարագոս, Հայաստանում ՄԱԶԾ մշտական ներկայացուցիչ Նաթիա Նացվլիշվիլի: 077 230028:
Ժամը 14:30-ին «Էլիտ Պլազա» բիզնես-կենտրոնի «Մանթաշով» սրահում (Մովսես Խորենացու փող.15) ՀՀ արդարադատության նախարարությունը, Կոռուպցիայի կանխարգելման հանձնաժողովի հետ համատեղ իրականացնում է Հակակոռուպցիոն ոլորտում 2025 թվականին իրականացված աշխատանքների և առաջիկա անելիքների վերաբերյալ համաժողով՝ նվիրված ՄԱԿ-ի՝ կոռուպցիայի դեմ պայքարի միջազգային օրվան: Միջոցառմանը բացման խոսքով հանդես կգան՝ ՀՀ արդարադատության նախարար Սրբուհի Գալյանը և Կոռուպցիայի կանխարգելման հանձնաժողովի նախագահի պարտականությունները կատարող Մարիամ Գալստյանը: ՀՀ արդարադատության նախ., +374 93 135920:
Կուսակցություններ, ՀԿ-ներ, միջազգային կազմ-ներ
Ժամը 11:00-ին «Արմենիա Մարիոթ» հյուրանոցի «Թագուհի Էրատո» սրահում Վերակառուցման և զարգացման եվրոպական բանկը (ՎԶԵԲ) և ԻՆՆՈԲԻԶ կազմակերպությունը հրավիրում են մեդիա ներկայացուցիչներին մասնակցելու «Տեղահանված անձանց տնտեսական ինտեգրում. «Բյուր» ծրագրի ազդեցության ամփոփում» միջոցառմանը։ Միջոցառման ընթացքում կներկայացվեն 2024-2025թթ. ընթացքում ՎԶԵԲ-ի կողմից տեղահանված անձանց տնտեսական ինտեգրման
ուղղությամբ տրամադրված աջակցության արդյունքները։ Բացման խոսք՝ Հայաստանում ՎԶԵԲ-ի գրասենյակի ղեկավար Ջորջ Ախալկացի, ՎԶԵԲ Հայաստան, խորհրդատվություն փոքր բիզնեսներին ծրագրի ղեկավար Զառա Օհանյան: 094514303։
Ժամը 13:30-ին ՄԱԿ-ի հայաստանյան գրասենյակի դիմաց (Պետրոս Ադամյան 14) ՀՅԴ «Նիկոլ Աղբալյան» ուսանողական միությունը իրականացնելու է բողոքի ակցիա՝ ուշադրությունը սևեռելու Բաքվում անօրինաբար պահվող հայ գերիների ոտնահարված իրավունքների վրա։ Հիշեցնենք, որ դեկտեմբերի 10-ը աշխարհում նշվում է որպես Մարդու իրավունքների պաշտպանության օր։