Վաշինգտոնյան համաձայնագիրը ամուր հիմք է ստեղծում Հարավային Կովկասում երկարաժամկետ կայունության համար. Բոճորիշվիլի
1 րոպեի ընթերցում
Վրաստանը ողջունում է ԱՄՆ միջնորդությամբ Վաշինգտոնում Հայաստանի և Ադրբեջանի միջև խաղաղության համաձայնագրի նախաստորագրումը։ «Արմենպրես»-ի հաղորդմամբ՝ այս մասին հայտարարել է Վրաստանի արտգործնախարար Մակա Բոճորիշվիլին ԵԱՀԿ ԱԳՆԽ 32-րդ նիստում։
«Համաձայնագիրը ամուր հիմք է ստեղծում Հարավային Կովկասում երկարաժամկետ կայունության և զարգացման համար։ Վրաստանը պատրաստ է աշխատել բոլոր գործընկերների հետ միջազգային իրավունքի ամրապնդման, ինքնիշխանության պաշտպանության և տարածաշրջանային խաղաղության ապահովման համար»,- ասել է Վրաստանի ԱԳ նախարարը։