3 րոպեի ընթերցում
Դեկտեմբերի 2-ի միջոցառումների անոնս
ՀՀ ԱԺ
Ժամը 10:00-ին ՀՀ ԱԺ-ում տեղի կունենա Ազգային ժողովի հերթական քառօրյա նիստը:
Պետական կառույցներ
Ժամը 09:30-ին «DoubleTree by Hilton Yerevan» հյուրանոցում (Գրիգոր Լուսավորիչ 4/2) կկայանա Ազգային մեխանիզմի թվային գործիքի (AI-NEMRA) մեկնարկին նվիրված բարձր մակարդակի հանդիպում: Բացման խոսք՝ ԱԳ նախարարի տեղակալ Ռոբերտ Աբիսողոմոնյան, ԲՏԱ նախարարի տեղակալ Ռուբեն Սիմոնյան, «Տեղեկատվական համակարգերի գործակալություն» հիմնադրամի տնօրեն Ներսես Երիցյան, ՄԱԿ-ի մշտական համակարգող Ֆրանսուազ Ժակոբ, ԵԽ գրասենյակի ղեկավար Մաքսիմ Լոնգանգե:
Կուսակցություններ, ՀԿ-ներ, միջազգային կազմ-ներ
Ժամը 10:45-ին «Holiday Inn Yerevan» հյուրանոցի «Տարսոն» սրահում (Ամիրյան փող.2) տեղի կունենա «Տեքստիլ ոլորտի օպերատոր» հիմնադրամի ստեղծմանը նվիրված միջոցառում։ Հիմնադրամը ստեղծվել է ՀՀ էկոնոմիկայի նախարարության նախաձեռնությամբ՝ Մեծ Բրիտանիայի կառավարության Good Governance Fund-ի, ՎԶԵԲ-ի և Հայաստանի ներդրումային խորհրդի աջակցությամբ։
Ժամը 14:00-ից «Կոնգրես» հյուրանոցում Շրջանաձև տնտեսության ոլորտի հայաստանյան ամենամեծ «CirculUP!» / ծրագիրը ամփոփում է արդյունքները։ Այն իրականացրել է Իմփաքթ Հաբ Ցանցը՝ Իմփաքթ Հաբ Երևանի և «Շրջակա միջավայր և առողջություն» ՀԿ-ի հետ համատեղ՝ ԵՄ ֆինանսական աջակցությամբ: Ամփոփիչ միջոցառման շրջանակում կանցկացվի նաև «Շրջանաձև ապրանքներ և գաղափարներ» ցուցահանդես-տոնավաճառ: Միջոցառմանը ներկա կլինեն նաև ՀՀ էկոնոմիկայի և շրջակա միջավայրի նախարարությունների ներկայացուցիչներ: «CircleUP!»-ի ամփոփումը միաժամանակ իր գործունեությունը նոր սկսող «EU4Green Recovery East» ծրագրի ազդարարման առիթ դարձավ։ Միջոցառման պաշտոնական մեկնարկից առաջ՝ ժամը 14:45-ին տեղի կունենա ճեպազրույց, որի ընթացքում լրագրողները հնարավորություն կունենան հարցեր տալու ծրագրի ներկայացուցիչներին ու միջոցառման այլ հյուրերի: +374 94 700974:
Ժամը 19:00-ին «Դվին Մյուզիք Հոլ»-ում (Պարոնյան 40) ՀՀ-ում ԱՄԷ դեսպանությունը տեղեկացնում է, որ դեսպան Նարիման Ալ-Մուլլան ԱՄԷ-ի կազմավորման 54-ամյակի առթիվ կազմակերպում է պաշտոնական ընդունելություն: Ընդունելությանը ներկա կլինեն ՀՀ բարձրաստիճան պաշտոնյաներ, գործարար համայնքի ներկայացուցիչներ, դիվանագիտական ներկայացուցչությունների ղեկավարներ, ինչպես նաև մշակութային և գիտակրթական հաստատությունների ներկայացուցիչներ։