2 րոպեի ընթերցում
ԱՆՈՆՍ
18 նոյեմբեր, 2025
ՀՀ ԱԺ
Ժամը 11:00-ին ՀՀ ԱԺ նիստերի դահլիճում տեղի կունենա ««Մարտի 1-ի գործի» քննությունը նախորդող ժամանակահատվածում, «Մարտի 1-ի գործի» վերաիմաստավորումը «Ֆարմանյանը և այլք ընդդեմ Հայաստանի» գործով կայացված վճռի լույսի ներքո» թեմայով հանրային քննարկում:
Պետական կառույցներ
Ժամը 10:00-ին Երեւանի քաղաքապետարանում կգումարվի Երևան քաղաքի ավագանու 5-րդ նստաշրջանի 3-րդ նիստը.
Մշակույթ
Ժամը 14:00-ին Հայաստանի ազգային գրադարանի Թամանյան մասնաշենքի մեծ դահլիճում գրադարանը կհյուրընկալի Ֆրանսիայի Արվեստի պատմության ազգային ինստիտուտի ուսումնասիրությունների և հետազոտության բաժնի գիտական ղեկավար, բյուզանդական հնագիտության դոկտոր և միջնադարյան Հայաստանի ու Վրաստանի մասնագետ Սիփանա Չագրեանին, ով համակարգում է «Ճգնաժամային գոտիներում հետազոտություն և ժառանգություն» (RePaZ) հետազոտական խումբը և Նիկոլ և Ժան-Միշել Թիերիների արխիվների շուրջ իրականացվող գիտական հետազոտության ու արժևորման ծրագրեը։ Այցի ընթացքում Սիփանա Չագրեանը կներկայացնի նախագծի տարբեր բաղադրիչները՝ արխիվային հավաքածուի գույքագրումը հայկական և վրացական հուշարձաններին վերաբերող մոտ 32.000 լուսանկարների թվայնացումն ու առցանց հասանելիությունը, ինչպես նաև Թիերի զույգի 1952-1998թթ հնագիտական ճանապարհորդությունների օրագրի թվային խմբագրումն ու ինտերակտիվ քարտեզագրումը։ 033 62 35 13:
Ժամը 16:00-ին «Akanat Gallery»-ում կկայանա Արման Գրիգորյանի ցուցահանդեսի բացումը։ Ցուցահանդեսը ներկայացնում է արվեստագետի կողմից ընկերներին նվիրած գործերը, իր արվեստանոցում պահպանված աշխատանքները, ինչպես նաև արխիվային նյութեր, որոնք մանիֆեստացնում են երիտասարդական ոգևորիչ ներուժը։ Մտահղացումը՝ Հարութ Սիմոնյանի: Նկարիչների միություն, +374 93 031616: