2 րոպեի ընթերցում
Պետական կառույցներ
Ժամը 11:00-ին ՀՀ ԳԱԱ նիստերի դահլիճում (Բաղրամյան 24, 1-ին հարկ) գիտական հանրությունը կնշի Հանուն խաղաղության և զարգացման գիտության համաշխարհային օրը։ Միջոցառման շրջանակում տեղի կունենա «ՀՀ ԳԱԱ 2025թ. մրցանակ» մրցույթի հաղթողների պարգևատրման արարողությունը։ Նաև տեղի կունենա Վիկտոր Համբարձումյանի անվան միջազգային գիտական պետական մրցանակի դրամական միջոցների շրջանակում հայտարարված մրցույթի հավաստագրերի հանձնման արարողությունը։ «Գիտության աշխարհում» հանդեսի 20-ամյակի առթիվ շնորհակալագրեր կհանձնվեն առավել ակտիվ հեղինակներին։ ՀՀ ԳԱԱ:
ԲՈՒՀ-եր, կրթական հաստատություններ
10։00-ին ԹՈՒՄՈ կենտրոնում տեղի կունենա հերթական «Հայաստան-ԵՄ կրթական երկխոսություն» հանդիպումը: Միջոցառմանը ներկա կլինեն ՀՀ ԿԳՄՍ նախարար Ժաննա Անդրեասյանը, ՀՀ-ում ԵՄ դեսպան Վասիլիս Մարագոսը, Հայաստանում Յունիսեֆ-ի ներկայացուցիչ Քրիսթինե Վայգանդը, ՀՀ-ում հավատարմագրված դեսպաններ, ոլորտի և միջազգային տարբեր կառույցների ներկայացուցիչներ:
Մամուլի ակումբներ
ժամը 12։00-ին, «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ տարածքային կառավարման և ենթակառուցվածքների նախարարության էներգետիկ տարածաշրջանային շուկաների բաժնի պետ Հովհաննես Աբրահամյանի ասուլիսը։
ԹԵՄԱ- Էներգախնայողության միջազգային օրվան ընդառաջ․ իրականացվող ծրագրերն ու առաջիկա անելիքները։
Հրավիրում ենք լուսաբանման:
+374 91 62 18 38