4 րոպեի ընթերցում
ԱՆՈՆՍ
30 հոկտեմբեր, 2025
ՀՀ ԱԺ
Ժամը 12:30-ին ԱԺ նիստերի դահլիճին կից սրահում նախատեսված է Եվրանեսթ ԽՎ-ում ՀՀ ԱԺ պատվիրակության ղեկավար Մարիա Կարապետյանի եւ Եվրանեսթ ԽՎ համանախագահ Սերգեյ Լագոդինսկու ճեպազրույցը:
Ժամը 13:30-ին Ազգային ժողովի 330 դահլիճում կկայանա ԱԺ աշխատանքի եւ սոցիալական հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2026թ. պետական բյուջեի մասին» օրենքի նախագծում նախատեսված եկամուտներ եւ ծախսեր՝ սոցիալական ապահովություն, նպաստներ եւ թոշակներ:
Ժամը 16:00-ին Ազգային ժողովի 330 դահլիճում կկայանա ԱԺ առողջապահության հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ «Հայաստանի Հանրապետության 2026թ. պետական բյուջեի մասին» օրենքի նախագծում նախատեսված եկամուտներ եւ ծախսեր՝ առողջապահություն:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 12:00-ին Երևանի քաղաքապետարանում մամուլի ասուլիսի շրջանակում կներկայացվեն «Թէատրոն» կատարողական արվեստների ֆրանկոֆոն միջազգային փառատոնի ծրագրի մանրամասները: Բանախոսներ՝ Երևանի փոխքաղաքապետ Լևոն Հովհաննիսյան, «Թէատրոն» կատարողական արվեստների միջազգային ֆրանկոֆոն փառատոնի համահիմնադիր, տնօրեն Սաթէ Խաչատրյան, խորեոգրաֆներ Մուրադ Մերզուկի, Յոան Բուրժուա, Կադեր Ատու: Հոկտեմբերի 22-ից նոյեմբերի 3-ը Երևանում, Կապանում, Գորիսում և Գավառում տեղի կունենա «Թէատրոն» կատարողական արվեստների ֆրանկոֆոն միջազգային փառատոնը: Միջոցառման կազմակերպիչներն են ֆրանսիական «Սաթէ-Աթղը» թատերական միությունը և «Արտ-Իմաժ» մշակութային ՀԿ-ն։ Նախագծի գլխավոր հովանավոր՝ Երևանի քաղաքապետարան: Միջոցառումն անցկացվում է ՀՀ ԱԳ նախարարության աջակցությամբ։ +374 91 58 94 55:
Մշակույթ
Ժամը 10:00-ից Ավետիք Իսահակյանի տուն-թանգարանը, ԵՊՀ հայ բանասիրության ֆակուլտետի և Երևանի Ավ.Իսահակյանի անվան N16 ավագ դպրոցի հետ համագործակցությամբ, հրավիրում են հոբելյանական միջոցառումների շարքին՝ քայլերթից մինչև նոր ցուցադրություն և գրքի շնորհանդես։ Ծրագիր. 10:00-ին հոբելյանական քայլերթ դեպի Պանթեոն թանգարան, 11:00-ին՝ Պանթեոնում ծաղկադրման արարողություն. մեծ գրողի հիշատակին հարգանքի տուրքի մատուցում, 12:30-ին՝ Ավ.Իսահակյանի տուն-թանգարան, «Մի մկան պատմություն» պատկերազարդ, խոսող խաղ-գրքի շնորհանդես, շրջայց թանգարանի գրական հատվածի նոր ցուցադրությունում: Հատուկ ծրագրի շրջանակում նաև տեղի կունենա նկարիչ Արա Հովսեփյանի հեղինակած Իսահակյանի դիմանկարի նվիրատվության արարողությունը թանգարանին, ելույթ կունենան Հանրային ռադիոյի «Արևիկ» մանկապատանեկան անսամբլի և «Հայ մյուզիք բենդ»-ի սաները, «Արև մոդելս» ՀԿ-ի սաները։ Միջոցառման ընթացքում մասնակիցներին կհյուրընկալեն Վարպետի սիրելի կաթով սուրճով և թխվածքով։