ԱՄՆ-ում Հայաստանի և Քաթարի դեսպանները քննարկել են երկու երկրների միջև համագործակցության խորացման կարևորությունը

Ամերիկայի Միացյալ Նահանգներում Հայաստանի Հանրապետության դեսպան Նարեկ Մկրտչյանը հանդիպում է ունեցել ԱՄՆ-ում Քաթարի Պետության դեսպան Շեյխ Մեշալ բին Համադ Ալ Թանիի հետ։

Ինչպես «Արմենպրես»-ը տեղեկանում է ԱՄՆ-ում ՀՀ դեսպանության տարածած հաղորդագրությունից, հանդիպման ընթացքում դեսպանները քննարկել են Հայաստանի և Քաթարի միջև համագործակցության խորացման նպատակով տնտեսական դիվանագիտության նախաձեռնությունների զարգացման կարևորությունը։