2 րոպեի ընթերցում
ԱՆՈՆՍ
18 հոկտեմբեր, 2025
Կուսակցություններ, ՀԿ-ներ, միջազգային կազմ-ներ
Ժամը 08:00-ին Հանրապետության հրապարակի Աբովյան-Ամիրյան հատվածից կմեկնեն Արագածոտնի մարզի Ապարան համայնքի Եղիպատրուշ բնակավայր, որտեղ ժամը 11։00-15։00-ը տեղի կունենա «Լեռնային ուղեկցորդների և զբոսավարների հայկական ասոցիացիա»-ի (ArmMGA) կողմից կազմակերպվող Sky Race Teghenis (Skyrunning) լեռնային վազքի Հայաստանի բաց առաջնությունը։ Առաջնությանը կարող են մասնակցել 18 տարեկանից բարձր սպորտային տվյալներ ունեցող սիրողական և պրոֆեսիոնալ մարզիկներ, արագընթաց վերելքների սիրահար լեռնագնացներ և արշավականներ։ Լեռնային ուղեկցորդների և զբոսավարների հայկական ասոցիացիան այս առաջնությունն անցկացնելու է Ապարանի Եղիպատրուշ գյուղից (2030մ) դեպի Թեղենիս լեռան գագաթ (2851մ) տանող 5 կմ տարածությամբ և 820 մ հարաբերական բարձրությամբ երթուղով։ Մրցավազքը ստացել է ITRA (International Trail Running Association-Միջազգային լեռնային վազքի ասոցիացիա) սերտիֆիկացում և ներառված է Հայաստանի թրեյլռանինգի ազգային լիգայի մեջ։ + 374 93 848 666, +374 94 199 308:
Ժամը 10:30-ին «Կամար» բիզնես կենտրոնում (Վազգեն Սարգսյան 2) կանցկացվի «London Eye» միջազգային ուսումնական կենտրոնի նախաձեռնությամբ կազմակերպվող «Միջազգային կրթական էքսպո 2025»-ը (World Education Fair 2025), որը հնարավորություն կտա ծանոթանալու աշխարհի 15 երկրների 25 լավագույն ուսումնական հաստատությունների կրթական ծրագրերին: «Միջազգային կրթական էքսպո 2025»-ը մեկ հարկի տակ կմեկտեղի որակյալ կրթություն առաջարկողներին ու արտերկրում սովորել ցանկացողներին: +374 77501580: