2 րոպեի ընթերցում
ԱՆՈՆՍ
13 հոկտեմբեր, 2025
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանի ասուլիսը։ Թեմա. ՌԴ միգրացիոն քաղաքականության ազդեցությունը Հայաստանից Ռուսաստան բեռնափոխադրումների գործընթացի վրա։
Ժամը 14:30-ին «Կոնգրես Երևան» հյուրանոցում տեղի կունենա ՀՀ ԿԳՄՍ նախարարության և Հայաստանի գիտության և տեխնոլոգիաների հիմնադրամի /FAST/ կողմից համատեղ իրականացվող «Արհեստական բանականության (ԱԲ) սերունդ» ծրագրի ընդլայնման միջոցառումը։ Միջոցառմանը ներկա կլինեն ՀՀ ԿԳՄՍ նախարար Ժաննա Անդրեասյանը, FAST-ի հոգաբարձուների խորհրդի նախագահ Անդրե Անդոնյանը, գործընկեր կառույցների ներկայացուցիչներ: Կամփոփվեն 2023 թ.-ից ՀՀ ավագ դպրոցներում փորձարկվող «Արհեստական բանականության (ԱԲ) սերունդ» ծրագրի 2-րդ տարվա արդյունքները, ինչպես նաև 2026 թ.-ի համար նախատեսված ընդլայնման ուղղությունները: ՀՀ ԿԳՄՍՆ:
Մշակույթ
Ժամը 18:30-ին «Մոսկվա» կինոթատրոնում տեղի կունենա Հայաստանում ճապոնական ֆիլմերի փառատոնի բացման արարողությունը՝ «Վարձով կատու» ֆիլմի ցուցադրությամբ։