1 րոպեի ընթերցում
«Էրեբունի-Երևան 2807» միջոցառումը կեզրափակվի Թաթա Սիմոնյանի համերգով: «Արմենպրես»-ի փոխանցմամբ՝ այս մասին տեղեկացնում են Երևանի քաղաքապետարանից:
«Հոկտեմբերի 12-ին ժամը 21։00-ին Հանրապետության հրապարակում տեղի կունենա «Էրեբունի-Երևան 2807. «Սիրահարվելու քաղաք»» օրվա գլխավոր միջոցառումը՝ եզրափակիչ տոնական համերգը, որտեղ ելույթ կունենա բոլորիս կողմից սիրված արտիստ Թաթա Սիմոնյանը»,- հայտնում են քաղաքապետարանից՝ նշելով, որ միջոցառումը կավարտվի շքեղ հրավառությամբ։