4 րոպեի ընթերցում
ԱՆՈՆՍ
04 հոկտեմբեր, 2025
Կուսակցություններ, ՀԿ-ներ, միջազգային կազմ-ներ
Ժամը 10:30-ին Հայ օգնության ֆոնդի գրասենյակում /ՀՕՖ, Խորենացի 22/ Հայ օգնության ֆոնդի (ՀՕՖ) Հոգաբարձուների խորհրդի ներկայացուցիչների այցը Հայաստան։ Մամուլի ասուլիսին խորհուրդը կամփոփի այցը, կներկայացնի ՀՕՖ-ի վերջին տարիների աշխատանքներն ու արձանագրված արդյունքները, ինչպես նաև առաջիկա ծրագրերը, որոնք նպատակաուղղված են լինելու Հայաստանի փոփոխվող կարիքներին։ Պատվիրակների կազմում են ՀՕՖ-ի նախագահը, Հոգաբարձուների խորհրդի նախագահը, ՀՕՖ-ի հավատարիմ բարերարները, հովանավորներն ու աջակիցները Արևելյան և Կենտրոնական ԱՄՆ-ից։
Ժամը 13:00-ին «Էլիտ Պլազա» բիզնես կենտրոնում /Մ.Խորենացի փ.15/ Ուսուցչի օրվան ընդառաջ՝ կկայանա «Ինչպիսին պետք է լինի Հայոց Այբբենարանը» խորագրով աշխատաժողով: Աշխատաժողովի նպատակն է տարբեր տարիներին օգտագործված այբբենարանների հեղինակների ու մասնագետների մասնակցությամբ քննարկել Այբբենարանի՝ որպես ազգային ինքնության և ազգակերտման հիմնաքարի դերը ժամանակակից մարտահրավերների պայմաններում, ինչպես նաև հայտարարել «Ազգային ուսուցիչ» մրցույթի մեկնարկը։ Հիմնական բանախոսներ՝ Կարին Տոնոյան, Արմինե Դավթյան, Ատոմ Մխիթարյան, Արմեն Ներսիսյան։ Բանախոսները հարցազրույցների համար հասանելի կլինեն ինչպես միջոցառումից 15 րոպե առաջ, այնպես էլ դրանից հետո։ Կազմակերպիչ՝ Ազգային կրթության խորհուրդ: Ազգային կրթության խորհուրդ:
ԲՈՒՀ-եր, կրթական հաստատություններ
Ժամը 10:00-ին ԵՊՀ կենտրոնական մասնաշենքում (Ալ.Մանուկյան 1) ԿԳՄՍ նախարարությունը կազմակերպում է ուսուցչական համաժողով՝ «Անվտանգ և ապահով կրթական միջավայր» խորագրով: Համաժողովի նպատակն է՝ տարածել հանրակրթության պետական չափորոշչի ներդրման առաջավոր փորձը, միավորել ուսուցչական աշխատանքի մտավոր ներուժը հանրակրթական պետական չափորոշչի ներդրման աշխատանքներում: ՀՀ ԿԳՄՍՆ:
Ժամը 11:00-ին Ագրարային համալսարանի ագրոտեխնոլոգիական սրահում տեղի կունենա «Այլագիր» գիտահեն կոդավորման մրցույթը Snap! և Python ծրագրավորման լեզուներով։ Մրցույթին կմասնակցեն 7-12-րդ դասարանների դպրոցականները և միջին մասնագիտական ուսումնական հաստատությունների ուսանողները։ Մրցույթն իրականացվում է «Անտրոհուս» կրթական հիմնադրամի կողմից։ Մրցույթը բաղկացած է երկու հատվածից՝ գիտապաստառների ցուցահանդես և բուն մրցութային փուլ։ +374 93 27 98 44:
Մշակույթ
Ժամը 16:00-ին Հենրիկ Իգիթյանի անվան գեղագիտության ազգային կենտրոնում «Ներկատարյալ» խորագրով ցուցահանդեսի շրջանակում ԹՈՒՄՈ ակադեմիայի գրաֆիկ դիզայնի փորձագետ-դասընթացավար, արվեստագետ, Newmag հրատարակչության գլխավոր դիզայներ Էդիկ Պողոսյանը կներկայացնի «Սպասող մարդու օրագիր» գիրքը։ Այն իրանական ժամանակակից պոեզիայի ժողովածու է, որի բանաստեղծությունները թարգմանել է Էդիկը։ Գիրքն առաջին անգամ հրատարակվել է 2015-ին՝ սահմանափակ՝ տարվա օրերի քանակով՝ 365 գումարած 1: 10 տարի անց հեղինակը որոշել է վերահրատարել գիրքը։ +374 93 316688: