3 րոպեի ընթերցում
Սեպտեմբերի 17-ի միջոցառումների անոնս
Կուսակցություններ, ՀԿ-ներ, միջազգային կազմ-ներ
Ժամը 15:00-ին “Courtyard Marriott Yerevan” հյուրանոցի “Queen” դահլիճում /Տերյան 5/ «Արաբկիր» բժշկական համալիրի նախաձեռնությամբ կկայանա ասուլիս՝ «Սպինալ մկանային ատրոֆիայի նորարարությունները և գենետիկական թերապիայի կարևորությունը» թեմայով։ Ասուլիսը մեկ հարկի տակ կհամախմբի մանկական նյարդաբաններին և միջազգային փորձագետներին։ Ներկա կլինեն նաև հիվանդությունն ունեցող բուժառուներն ու նրանց հարազատները։ Թեմայի վերաբերյալ բոլոր հարցերին կպատասխանեն միջոցառման բանախոսները՝ մանկական նյարդաբանության և էպիլեպսիայի ծառայության ղեկավար Բիայնա Սուխուդյան /«Արաբկիր» ԲՀ/, մանկական նյարդաբանության բաժանմունքի ղեկավար Անի Գևորգյան /«Արաբկիր» ԲՀ/, մանկական նյարդաբանության բաժանմունքի ղեկավար Թեոնա Շատիրիշվիլի /Մ.Յաշվիլիի անվան կենտրոնական մանկական հիվանդանոց, Վրաստան/, նյարդաբանության պրոֆեսոր Նանա Տատիշվիլի /Դավիթ Տվիդիանիի բժշկական համալսարան, Վրաստան/, բուժում ստացող բուժառու Անուշ Գևորգյան։ +374 98 757 657:
Ժամը 20:00-ին Ռուբինյանց փողոց, 27 շենքում (Քանաքեռ-Զեյթուն վարչ. շրջան, Ալմաստ գործարան) ՈՄԱ նախաձեռնության շրջանակում կկայանա հանդիպում՝ ՀՀ վաստակավոր արտիստ, բեմադրիչ և դերասան Դավիթ Հակոբյանի հետ։ Սպասվում է ոգեշնչող, բովանդակալից հանդիպում-բանախոսություն, որի ընթացքում կքննարկվեն արվեստի, հայրենիքի, ազգային արժեհամակարգի շուրջ կարևոր թեմաներ։ ՈՄԱ ՌՀԿ:
Մամուլի ակումբներ
Ժամը 13:00-ին Մամուլի ազգային ակումբում (Արշակունյաց 4, 10-րդ հարկ) «Կանանց քայլարշավ» նախաձեռնությունը հրավիրում է մամուլի ասուլիս՝ ներկայացնելու ընտանեկան բռնության իրազեկվածությունը բարձացնելու վերաբերյալ քայլարշավի արդյունքները։ Կին իրավապաշտպանները կներկայացնեն այս տարի Կոտայքի մարզում անցկացված քայլարշավի ընթացքում տեղեկատվության հավաքագրման արդյունքները։
Մշակույթ
Ժամը 19:00-ին Առնո Բաբաջանյան համերգասրահում կկայանա «Yerevan Music Week» ամենամյա միջազգային երաժշտական երկրորդ փառատոն-համաժողովի բացման համերգը /սեպտեմբերի 17-23-ը/, որը կազմակերպել են «Music of Armenia» մշակութային ՀԿ-ն և Հայաստանի պետական ֆիլհարմոնիան: Համերգից առաջ՝ ժամը 18:45-ից մոտենալ Հայաստանի պետական ֆիլհարմոնիայի հասարակայնության հետ կապերի բաժնի մամուլի պատասխանատու Լուսինե Մնացականյանին, հրավիրատոմսերը ստանալու համար, +374 93 69 09 72: