2 րոպեի ընթերցում
Սեպտեմբերի 2-ի միջոցառումների անոնս
ՀՀ ԱԺ
Ժամը 10:00-ին Ազգային ժողովի 114 սրահում կկայանա Տնտեսական հարցերի մշտական հանձնաժողովի նիստը:
Ժամը 11:00-ին Ազգային ժողովի 314 սրահում Մարդու իրավունքների պաշտպանության եւ հանրային հարցերի մշտական հանձնաժողովի նիստը կգումարվի:
Ժամը 12:00-ին Ազգային ժողովի 214 սրահում կկայանա Աշխատանքի եւ սոցիալական հարցերի մշտական հանձնաժողովի նիստը:
Պետական կառույցներ
Ժամը 10:00-ին «Եռաբլուր» զինվորական պանթեոնում Արցախի Հանրապետության անկախության հռչակման օրը տեղի կունենա «Արցախի կանչը» հուշահամալիրի բացման արարողությունը։ Այս հուշակոթողը անմար հիշատակի ու հավերժ երախտիքի նվիրաբերում է. այն կանգնեցվում է Արցախի ազատության համար նահատակված մեր հերոսների, հայրենի հողում հանգչող մեր հարազատների, ինչպես նաև սեպտեմբերի 25-ի ողբերգական պայթյունի անմեղ զոհերի հիշատակին։ Միջոցառման ընթացքում կկատարվի խաչքարերի օրհնության կարգ, տեղի կունենա ծաղիկների խոնարհման և խնկարկման արարողություն։
Կուսակցություններ, ՀԿ-ներ, միջազգային կազմ-ներ
Ժամը 15:00-ին Հայաստանի դեմոկրատական կուսակցության կենտրոնական գրասենյակում (Փ.Բուզանդ 1/3) «Միասին» ակլընտրանքային հասարակական-քաղաքական շարժումը հրավիրում է մամուլի ասուլիս։ Մանրամասն կներկայացնեն դիվանագիտական բոլոր հնարավոր միջոցները՝ պաշտպանելու 150000 արցախահայության՝ իրենց բնօրրան վերադարձի իրավունքը։ ԵԱՀԿ մանդատը չեղարկված չէ: «Միասին» շարժումը հավաքագրել է արցախցիների 4000-ից ավելի ստորագրություններ՝ դիմումով ԵԱՀԿ անդամ պետություններին ներկայացնելու համար: