3 րոպեի ընթերցում
Անոնս
27 Օգոստոսի, 2025
Նախարարություններ
13:00-ին «Մատենադարան» Մ. Մաշտոցի անվան հին ձեռագրերի ինստիտուտի (հասցե՝ Երևան, Մաշտոցի պողոտա 53) գիտական մասնաշենքում տեղի կունենա ՀՀ կրթության, գիտության, մշակույթի և սպորտի նախարար Ժաննա Անդրեասյանի մամուլի ասուլիսը՝ նվիրված նոր ուսումնական տարվա մեկնարկին:
ԿԳՄՍ նախարարը կներկայացնի 2025-2026 ուսումնական տարվա նախապատրաստական աշխատանքները՝ Հանրակրթության պետական չափորոշչի ներդրման փուլային ընթացքը, ՀՀ կառավարության «300 դպրոց, 500 մանկապարտեզ» ծրագրով իրականացվող աշխատանքները, ինչպես նաև կպատասխանի ԶԼՄ ներկայացուցիչների հարցերին:
Սիրով հրավիրում ենք լուսաբանման:
Մամուլի ակումբներ
12:00-ին Sputnik Արմենիա մուլտիմեդիոն մամուլի կենտրոնում տեղի կունենա մամուլի ասուլիս՝ նվկիրված «Ծիրանի ծառ» վավերագրական ֆիլմերի 11-րդ փառատոնին։
«Ծիրանի ծառ» վավերագրական ֆիլմերի 11-րդ միջազգային փառատոնը կանցկացվի օգոստոսի 30-ից սեպտեմբերի 6-ը Լոռու մարզի Դեբետ և Դսեղ գյուղերում։ Փառատոնի շրջանակում կցուցադրվի 30 ֆիլմ 24 երկրից։
Ասուլիսի ընթացքում բոլոր մանրամասները կներկայացնեն՝
«Ծիրանի ծառ» միջազգային կինոփառատոնի հիմնադիր Գարեգին Զաքոյանը;
«Ծիրանի ծառ» միջազգային կինոփառատոնի տնօրեն Արթուր Վարդիկյանը։
15:00-ին Sputnik Արմենիա մուլտիմեդիոն մամուլի կենտրոնում տեղի կունենա Ռուսաստանի ծանրամարտի ֆեդերացիայի գործադիր կոմիտեի անդամ Դմիտրի Բերեստովի ասուլիսը։
Աթենքի օլիմպիական չեմպիոն, այժմ Մոսկվայի մարզադպրոցի տնօրեն Դմիտրի Բերեստովը սիրողական ծանրամարտիկների իր թիմին բերել է Գյումրի` մարզական հավաքի։ Ովքե՞ր են սիրողական ծանրորդներ», և որքանո՞վ է օգտակար և անվտանգ ծանրամարտը այն մարդկանց համար, որոնք որպես հոբբի են զբաղվում ծանրամարտով։ Ի՞նչ ապագա ունի ծանրամարտը որպես օլիմպիական մարզաձև, ի՞նչ պետք է անեն երիտասարդ մարզիկները չեմպիոններ և ռեկորդակիրներ դառնալու համար։
Մշակույթ
19։00-ին Մոսկվայի տանը տեղի կունենա Հայաստանում օգոստոսի 27-28-ն անցկացվելիք «Կինոյի գիշեր» համառուսաստանյան ակցիայի բացման արարողությունը։