368.45
Քննչական կոմիտեն քրեական վարույթ է հարուցել զինծառայողի հրազենային վիրավորման դեպքի առթիվ
1 րոպեի ընթերցում
Հայաստանի Հանրապետության քննչական կոմիտեն քրեական վարույթ է նախաձեռնել ՀՀ զինված ուժերի զինծառայողի հրազենային վիրավորման դեպքի առթիվ։
Ինչպես «Արմենպրես»-ի հետ զրույցում տեղեկացրեց ՔԿ տեղեկատվության և հասարակայնության հետ կապերի բաժնի պետ Անուշ Շահվերդյանը, վարույթը նախաձեռնվել է ՀՀ Քրեական օրենսգրքի 527-րդ հոդվածի 1-ին մասով՝ առողջությանը վնաս պատճառելու (անդամախեղելու), հիվանդության սիմուլյացիայի կամ ապօրինի այլ եղանակով զինվորական ծառայությունից խուսափելու կամ դրա առանձին պարտականությունների կատարումը դադարեցնելու հատկանիշներով։
«Կատարվում է նախաքննություն»,- նշեց Շահվերդյանը։
ՊՆ մամուլի քարտուղար Արամ Թորոսյանը հայտնել էր, որ հրազենային վիրավորում ստացած զինծառայողը ենթարկվել է վիրահատական շտապ միջամտության և տեղափոխվել է Կենտրոնական կլինիկական զինվորական հոսպիտալ։ Նրա խոսքով՝ զինծառայողի կյանքին վտանգ չի սպառնում։
Բաժանորդագրվեք մեր ալիքին Telegram-ում