2 րոպեի ընթերցում
ԱՆՈՆՍ
26 օգոստոս, 2025
Պետական կառույցներ
09։45-ին Երևանի «ԴաբլԹրի Բայ Հիլթն» հյուրանոցում (հասցե՝ Սուրբ Գրիգոր Լուսավորչի փող., 4/2 շենք) կկայանա Հայաստանի Հանրապետության և Իրաքի Հանրապետության միջև տնտեսական համագործակցության հարցերով միջկառավարական համատեղ հանձնաժողովի 4-րդ նիստը։
16:00-ին (մեկնումը ժամը 14։00-ից) Ծաղկաձորի «Մարիոթ» հյուրանոցային համալիրում (Կոտայքի մարզ, Ծաղկաձոր, Տանձաղբյուրի փող. 2, շենք 4/1) տեղի կունենա ՀՀ բարձր տեխնոլոգիական արդյունաբերության նախարարության «Մասնագետների պատրաստման բուհ-մասնավոր հատված համագործակցություն» ծրագրի «Գործնական հմտությունների կատարելագործում» բաղադրիչի շրջանակում իրականացվող Ուսանողական հաքաթոնի բացման արարողությունը:
Ողջույնի խոսքով հանդես կգա ՀՀ բարձր տեխնոլոգիական արդյունաբերության նախարար Մխիթար Հայրապետյանը:
Հաքաթոնը կանցկացվի օգոստոսի 26-29-ը։
Միջոցառմանը կմասնակցի Հայաստանի ուսումնական հաստատություններում սովորող 100-ից ավելի ուսանող: Միջոցառման ընթացքում թիմերը կլուծեն տեխնոլոգիական ոլորտին առնչվող բազմաբնույթ խնդիրներ, իսկ հաղթող թիմերը կստանան դրամական մրցանակներ՝ 1-ին տեղ՝ 2.5 մլն ՀՀ դրամ, 2-րդ տեղ՝ 1.5 մլն ՀՀ դրամ, 3-րդ տեղ՝ 1 մլն ՀՀ դրամ:
Հաքաթոնի ընթացքում կանցկացվեն նաև մասնագիտական սեմինարներ և քննարկումներ նախարարության, բիզնեսի, ստարտափների, ուսանողների, ինչպես նաև գիտական և կրթական կազմակերպությունների ներկայացուցիչների մասնակցությամբ:
Երևանից մեկնումը օգոստոսի 26-ին, ժամը՝ 14:00-ին՝ ՀՀ բարձր տեխնոլոգիական արդյունաբերության նախարարության շենքի մոտից (Երևան Վազգեն Սարգսյան փող., 3/3 շենք), վերադարձը՝ նույն օրը ժամը՝ 19:00-ին։
Նախապես գրանցումը՝ մինչև օգոստոսի 26-ը, ժամը՝ 12:00-ն, պարտադիր է:
Գրանցվելու համար կարող եք զանգել 077 206038
Սպորտ
20:00-ին «Արմենիա Մարիոթ» հյուրանոցում տեղի կունենա մամուլի ասուլիս՝ նվիրված Հայաստանում անցկացվելիք նարդու մրցաշարին։