368.52
Երևանի քաղաքապետարանը տարեցների համար նախաձեռնություն է կազմակերպել
1 րոպեի ընթերցում
Երևանի քաղաքապետարանի աշխատակազմի երեխաների և սոցիալական պաշտպանության վարչությունը մեկնարկել է նոր նախաձեռնություն` այս անգամ արդեն տարեցների համար։
«Արմենպրես»-ի փոխանցմամբ՝ այս մասին հայտնում է քաղաքապետարանի լրատվության բաժինը։
«Երևանի տարեց բնակիչների համար կազմակերպվում են շրջագայություններ դեպի մեր երկրի տեսարժան վայրեր։ Այս տարի նախատեսված է 55 շրջագայություն, որին մասնակցում է շուրջ 1100 քաղաքացի»,-ասված է քաղաքապետարանի տարածած հաղորդագրության մեջ:
Նշվում է, որ ծրագրի մեկնարկը տրվել է Սևանի թերակղզի ու Սևանավանք այցելությամբ։
«Ճանապարհորդության ընթացքում տարեցներին ուղեկցում է բուժաշխատող և համապատասխան մասնագետ։ Նախագիծն ունի ոչ միայն ճանաչողական, այլև ժամանցային բնույթ։ Ժողովրդական երգն ու պարը, ասմունքը և տարբեր ինտերակտիվ խաղերը նրանց օրը դարձնում են ավելի հագեցած ու հետաքրքիր»,-նշել է քաղաքապետարանը։
Բաժանորդագրվեք մեր ալիքին Telegram-ում