1 րոպեի ընթերցում
Իրանի Իսլամական Հանրապետությունը ցանկանում է բոլոր ոլորտներում Հայաստանի հետ հարաբերությունները զարգացնել:
«Արմենպրես»-ի փոխանցմամբ՝ այս մասին ասաց Իրանի նախագահ Մասուդ Փեզեշքիանը Երևան այցի ընթացքում ՀՀ վարչապետի հետ հայտարարության ժամանակ:
«Իրանը ցանկանում է բոլոր ոլորտներում իր հարաբերությունները զարգացնել և հասցնել ռազմավարական մակարդակի»,-ասաց Փեզեշքիանը:
Երկու երկրների միջև օգոստոսի 19-ին տարբեր ոոլորտներում համագործակցության վերաբերայլ փաստաթղթեր են ստորագրվել: Ընդգծվել է փոխադարձ այցերի կարևորությունը:
«Գոյություն ունեցող վստահության մթնոլորտի հիման վրա՝ մենք մեծ կամք ունենք զարգացնելու համագործակցության մակարդակը: Հատկապես տնտեսական ոլորտում է հնարավոր համագործակցության մակարդակը բարձրացնել»,-ասաց Իրանի նախագահը:
Նա նկատեց՝ երկու երկրները տարբեր ոլորտներում հիանալի համագործակցություն ունեն:
Փեզեշքիանը նաև ընդգծեց, որ Իրանն ու Հայաստանը Պարսից ծով-Սև ծով միջանցքի ակտիվացման հարցում ունեն ընդհանուր շահեր: