1 րոպեի ընթերցում
Իրանի նախագահ Մասուդ Փեզեշքիանն օգոստոսի 18-ին այցելել է Երևանի Կապույտ մզկիթ և այնտեղ աղոթել։
«Արմենպրես»-ի փոխանցմամբ՝ այս մասին հայտնում է իրանական Tasnim գործակալությունը՝ տարածելով տեսանյութ։
Իրանի նախագահը երկօրյա պաշտոնական այցով Հայաստան է ժամանել օգոստոսի 18-ին։ Այս պահին ՀՀ նախագահի նստավայրում ընթանում է ՀՀ վարչապետ Նիկոլ Փաշինյանի և Իրանի նախագահ Մասուդ Փեզեշքիանի առանձնազրույցը, որին հաջորդելու է ընդլայնված կազմերով հանդիպումը։
Հայաստանի վարչապետն ու Իրանի նախագահը նաև հանդես կգան մամուլի համար հայտարարություններով։