Լիտվան հայտարարել է Բելառուսի հետ սահմանի մերձակայքում զորավարժություններ անցկացնելու մասին

Arsus vilkas-2025 («Կատաղի գայլ-2025») մարտավարական զորավարժություններն օգոստոսի 11-ից մինչև 20-ը կանցկացվեն Լիտվայի Վարենայի շրջանում, որը սահմանակից է Բելառուսի Գրոդնոյի մարզին: Ինչպես հաղորդում է «Արմենպրես»-ը, այս մասին հաղորդում է Լիտվայի պաշտպանության նախարարության մամուլի ծառայությունը։

Գերատեսչությունում նախազգուշացրել են զորավարժությունների ընթացքում Վարենայի շրջանի ճանապարհներին ռազմական տեխնիկայի ինտենսիվ երթևեկության մասին։