Շնորհավորում ենք Հայաստանին ու Ադրբեջանին խաղաղության նոր դարաշրջանի կապակցությամբ. Մարկո Ռուբիո

Միացյալ Նահանգների պետքարտուղար Մարկո Ռուբիոն շնորհավորել է Հայաստանին և Ադրբեջանին օգոստոսի 8-ին Վաշինգտոնում մի շարք փաստաթղթերի ստորագրմամբ խաղաղության հաստատման ուղղությամբ արած կարևոր քայլի կապակցությամբ։ 

«Միացյալ Նահանգները տոնում է այսօրվա պատմական խաղաղության համաձայնագիրը Հայաստանի և Ադրբեջանի միջև։ Նախագահ Թրամփը միավորեց այս կողմերին և միջնորդ դարձավ մի համաձայնագրի կնքման, որը վերջ է տալիս տասնամյակներ շարունակված հակամարտությանը։ Սա երկու երկրների համար էլ հնարավորություն է՝ առաջ շարժվելու և կենտրոնանալու Հարավային Կովկասի տարածաշրջանի տնտեսական ներուժի բացման համար, ինչը առևտրային համաձայնագրեր և բարգավաճում կբերի ինչպես ամերիկյան ժողովրդին, այնպես էլ Հայաստանին ու Ադրբեջանին։ Մենք շնորհավորում ենք երկու երկրներին խաղաղության նոր դարաշրջանի կապակցությամբ»,- «Արմենպրես»-ի փոխանցմամբ, ասվում է պետքարտուղարի հայտարարության մեջ։

Under @POTUS's leadership, the U.S. brought the leaders of Azerbaijan and Armenia together to reach a peace deal that will end decades of conflict. This historic deal will make the region stronger and open new doors for American trade and investment. We congratulate both…

— Secretary Marco Rubio (@SecRubio) August 8, 2025