3 րոպեի ընթերցում
ԱՆՈՆՍ
23 հուլիս, 2025
Կուսակցություններ, ՀԿ-ներ, միջազգային կազմ-ներ
Ժամը 08:00-ին, 10:00-ին, 11:00 և 12:00-ին Մատենադարանի մոտից կմեկնեն «Սևան» փառատոնային քաղաք, որտեղ ժամը 11:00-ին, Գեղարքունիքի մարզի Դարանակ բնակավայրի հարևանությամբ՝ «Սևան» փառատոնային քաղաքում (Sevan festival City) Շվեյցարիայի զարգացման և համագործակցության գործակալության (SDC) կողմից ֆինանսավորվող «Կայուն և ներառական աճ Հայաստանի լեռնային բնակավայրերում» (SIGMA) ծրագիրը, «Թվային գյուղատնտեսության հայկական ինստիտուտ» (AI4DA) հիմնադրամը և «Ստարտափ Արմենիա» հիմնադրամը հրավիրում են լուսաբանելու «Sevan Agritech Summit 2025» միջազգային գագաթնաժողովի բացման արարողությունը: Միջոցառումը կշարունակվի մինչև հուլիսի 26-ը: Վերադարձ՝ 19:00-ին, 21:00-ին, 23:00-ին և 00:00-ին: Միջոցառման օրերին գործելու է «ggShuttle» ծառայությունը, որն իրականացնելու է երկկողմանի կանոնավոր փոխադրումներ: «ggShuttle»-ի մանրամասներին կարող եք ծանոթանալ՝ օգտվելով gg ծառայության հավելվածից: «ggShuttle»-ի միջոցով իրականացված փոխադրումների վճարը կփոխհատուցվի կտրոնը ներկայացնելու դեպքում: Իրականացվելու են նաև կանոնավոր անվճար փոխադրումներ YoHealth-ի բրենդավորված ավտոբուսներով (համապատասխան հավելվածից օգտվելու դեպքում): (SIGMA) ծրագիր, +374 33 927200:
Մշակույթ
Ժամը 17:30-ին Ավետիք Իսահակյանի տուն-թանգարանի այգում (Զարոբյան 20) Մշակույթի զարգացման հիմնադրամը հրավիրում է մասնակցելու ջերմ երեկոյին: Երեկոյի ընթացքում կներկայացվեն հիմնադրամի ընթացիկ նախաձեռնությունները և առաջիկա ծրագրերը։ Միջոցառումը կուղեկցվի հյուրասիրությամբ և ստեղծագործական ներկայացմամբ՝ Ավետիք Իսահակյանի «Աբու Լալա Մահարի» ստեղծագործության ժամանակակից գեղարվեստական մեկնաբանությամբ։
Ժամը 18:00-ից Հայաստանի պատմության թանգարանում (Հանրապետության հրապարակ 4) կգործի «Դեղին գետի հիշողությունը» խորագիրը կրող միջազգային, ժամանակավոր ցուցադրությունը: Ցուցադրությունը կազմակերպվում է Հայաստանի պատմության թանգարանի, Չինաստանի Շանսի թանգարանի և «Հայ-չինական գործընկերության կենտրոն» ՀԿ-ի համագործակցության շնորհիվ։ Առաջին անգամ Շանսի թանգարանից կներկայացվի 50-ից ավել բրոնզեդարյան բնօրինակ հնագիտական արժեքավոր նեֆրիտե առարկաների հավաքածու։ 055 520691: