2 րոպեի ընթերցում
ԱՆՈՆՍ
22 հուլիս, 2025
Պետական կառույցներ
Ժամը 10:00-ին ՀՀ ԳԱԱ նախագահության նիստերի դահլիճում (Բաղրամյան 24, 1-ին հարկ) կմեկնարկի «Լուծումներ համագործակցության միջոցով» խորագրով «Գոտի և ճանապարհ» թանգարանային միջազգային կոնֆերանսը։ Կոնֆերանսի նպատակն է թանգարանային ոլորտում խթանել նորարարությունը և համագործակցությունը։ Կոնֆերանսին կմասնակցեն Չինաստանի, Վրաստանի, Հայաստանի թանգարանների, Իրանի Մշակույթի կենտրոնի, Չինաստանի մշակույթի ժառանգության ազգային բյուրոյի, ՀՀ ԳԱԱ ինստիտուտների մասնագիտական և գիտական շրջանակների ներկայացուցիչներ, փորձագետներ: Չինաստանի և Հայաստանի թանգարանների և ինստիտուտների միջև կկնքվեն համագործակցության հուշագրեր: ՀՀ ԳԱԱ
Մամուլի ակումբներ
Ժամը 11:00-ին Մեդիա կենտրոնում (Մյասնիկյան 1/6, IQ բիզնես կենտրոն, 2-րդ հարկ) տեղի կունենա Խոսքի ազատության պաշտպանության կոմիտեի նախագահ Աշոտ Մելիքյանի ասուլիսը։ Թեմա՝ ԽԱՊԿ 2025թ. երկրորդ եռամսյակի զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին։
Մշակույթ
Ժամը 19:30-ին Կարեն Դեմիրճյանի անվան մարզահամերգային համալիրում տեղի կունենա «Սիմֆոնիկ ֆոլկ» աննախադեպ նախագծի համաշխարհային պրեմիերան, որի շրջանակում հնարավորություն կլինի վայելելու անվանի երաժշտական պրոդյուսեր Սէրուժ Պաղտասարեանի (C-Rouge) հայկական ժողովրդական երգերի մշակումները՝ Հայաստանի պետական սիմֆոնիկ նվագախմբի կատարմամբ։ Համերգը կղեկավարի դիրիժոր Հարություն Արզումանյանը։ Գործիքավորումը՝ Մարտին Ուլիխանյանի։ Համերգին կմասնակցեն նաև Երևանի պետական կամերային երգչախումբը, «Կամերտոն» վոկալի ստուդիան։ Համերգն անցկացվում է Համազգայինի ուսանողական հավաքի (Ֆորումի) աջակցությամբ։