2 րոպեի ընթերցում
Պետական կառույցներ
Ժամը 9։30 Երևանի քաղաքապետարանում տեղի կունենա գործակարգավարական խորհրդակցություն
Կուսակցություններ, ՀԿ-ներ, միջազգային կազմ-ներ
Ժամը 10:00-ին Սևանա լճի ափին՝ Sevan Startup Summit-ի շրջանակում կկայանա «Էներգետիկ անցման և ձեռներեցության» համաժողովի (ETES 25) բացումը, որը կազմակերպում է Shtigen Group-ը՝ Startup Armenia Foundation-ի հետ համագործակցաբար։ Այս տարվա ծրագրում ներառված է վեց թեմատիկ քննարկում։ Համաժողովին կմասնակցեն ինչպես պետական, այնպես էլ մասնավոր սեկտորի, միջազգային կազմակերպությունների ներկայացուցիչներ, ոլորտի առաջատար փորձագետներ ոչ միայն Հայաստանից, Գերմանիայի արևային ասոցիացիայի (GSA), NDC Partnership-ի, Համաշխարհային բանկի, Վրաստանի վերականգնվող էներգետիկայի զարգացման ասոցիացիայի (GREDA) և այլ հեղինակավոր կառույցների ղեկավարներ ու ներկայացուցիչներ։ Shtigen Group:
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «Որքանո՞վ են մարդակենտրոն քրեակատարողական հիմնարկները Հայաստանում» թեմայով: Այս քննարկմամբ կամփոփվի «Հայաստանում արդարադատության ոլորտի բարեփոխումների մշտադիտարկում» ծրագրի շրջանակում իրականացված քննարկումների շարքը: Բանախոսներ՝ ՀՀ մարդու իրավունքների պաշտպանի աշխատակազմի խոշտանգումների և վատ վերաբերմունքի կանխարգելման վարչության պետի տեղակալ Հովհաննես Ղուկասյան, «Իրավական նախաձեռնությունների կենտրոն» ՀԿ ղեկավար Նարե Հովհաննիսյան:
Մշակույթ
Ժամը 19:00-ին «Կոնգրես» հյուրանոցի «Պիկասո» սրահում Հայաստանի գրողների միության հովանավորությամբ կկայանա հրապարակախոս եւ գործարար Կիրակոս Գույումճեանի (Քուեթ) «Յուշագրական պատառիկներ» գրքի շնորհանդեսը: