366.89
Սի Ծինպինը ցանկանում է Պեկինում հանդիպում կազմակերպել Թրամփի և Պուտինի հետ․ Times
2 րոպեի ընթերցում
Չինաստանի նախագահ Սի Ծինպինը մտադիր է սեպտեմբերի 3-ին՝ Երկրորդ համաշխարհային պատերազմի ավարտի տոնակատարության ժամանակ, Պեկինում հանդիպում կազմակերպել ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի հետ։ «Արմենպրես»-ի հաղորդմամբ՝ այս մասին գրում է բրիտանական The Times-ը՝ հղում անելով չինացի վերլուծաբանների։
Ըստ աղբյուրի՝ Պուտինն արդեն ընդունել է հրավերը, իսկ Թրամփին պաշտոնական հրավեր կուղարկվի առաջիկայում։ Չինաստանի դիրքորոշմամբ՝ նման ձևաչափով հանդիպումը կարող է «խաղաղության և կայունության հզոր ազդանշան» դառնալ։
Սի Ծինպինն ու Թրամփը նախկինում ևս փոխանակվել են այցելությունների հրավերներով, սակայն կոնկրետ օր երբևէ չի հայտարարվել։ Վերլուծաբանների կարծիքով՝ այս գագաթնաժողովը ձեռնտու կլինի Չինաստանին և Ռուսաստանին՝ արտաքին քաղաքական շահերի տեսանկյունից, սակայն Թրամփի թիմում այն կարող են ընկալել որպես պոտենցիալ քաղաքական ծուղակ՝ Չինաստանի վերահսկողությամբ միջոցառմանը «երրորդ կողմ» ներկայանալու տեսանկյունից։
Վերլուծաբանները ենթադրում են, որ Թրամփը կնախընտրի երկկողմ ձևաչափով հանդիպումներ՝ այդ կերպ խուսափելով մասնակցությունից այն միջոցառմանը, որի օրակարգն ու դիրքավորումը ամբողջությամբ որոշվում են Պեկինի կողմից։
Բաժանորդագրվեք մեր ալիքին Telegram-ում