2 րոպեի ընթերցում
ԱՆՈՆՍ
16 հուլիս, 2025
Պետական կառույցներ
Ժամը 12։00-ին Մարզահամերգայիին համալիրում կկայանա վարչապետ Նիկոլ Փաշինյանի մամուլի ասուլիսը։ Լրագրողները լինեն Կ.Դեմիրճյանի անվան մարզահամերգային համալիրի մուտքի մոտ լինեն ժամը 10։45-ին։
Ժամը 11:00-ին ՀՀ ԳԱԱ ֆիզիկական հետազոտությունների ինստիտուտում (ք. Աշտարակ) կմեկնարկի «Ամառային գիտական դպրոց» ծրագիրը, որին կմասնակցեն բարձր դասարանների և ավագ դպրոցի աշակերտներ: «Ամառային գիտական դպրոցի» շրջանակներում մասնագիտական կողմնորոշման նպատակով աշակերտները կայցելեն ՀՀ ԳԱԱ մի շարք կազմակերպություններ, որտեղ կծանոթանան գիտական արդյունքներին, կլսեն գիտության արդիական ուղղությունների մասին, կկատարեն գիտափորձեր: Ծրագիրն իրականացնում են ՀՀ գիտությունների ազգային ակադեմիան և Երևանում գիտության և մշակույթի ռուսական կենտրոնը: Լրագրողների տեղափոխման համար նախատեսված է տրանսպորտ (խնդրում ենք նախապես ուղարկել Ձեր տվյալները sofi.atshemyan@sci.am էլ. հասցեին):
Մամուլի ակումբներ
Ժամը 12:00-ին Sputnik Արմենիա մամուլի կենտրոնի միացմամբ կկայանա Մոսկվա-Մինսկ-Աստանա-Բիշքեկ-Երևան տեսակամուրջ՝ «ԵԱՏՄ երկրների կենսանվտանգությունը» թեմայով։ Որքանո՞վ են ԵԱՏՄ երկրներում օգտագործվում արհեստական ինտելեկտի հնարավորությունները բժշկության ոլորտում։ Կա՞ արդյոք ԵԱՏՄ երկրներում սիբիրյան խոցի տարածման վտանգ: Ինչպե՞ս վարվել շոգ եղանակին: Կա՞ն արդյոք ալերգիայի և ցրված սկլերոզի բուժման նոր մեթոդներ: Այս և այլ հարցերի կպատասխանի ՌԴ ԳԱ ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն:
Մշակույթ
Ժամը 14:00-ին ՀԳՄ կլոր սրահում տեղի կունենա «Մեծն Ներսես» բարեգործական հասարակական կազմակերպության «Հանուն հայի հարատևման» գրական մրցանակների հանձնում: