367.12
Ադրբեջանում ձերբակալվել է ավելի քան 4000 անօրինական միգրանտ
1 րոպեի ընթերցում
Չկարգավորված միգրացիայի դեմ պայքարի միջոցառումների շրջանակներում Ադրբեջանում ձերբակալվել է 4246 օտարերկրյա քաղաքացի:
«Արմենպրես»-ի փոխանցմամբ՝ այս մասին հայտնում է ադրբեջանական «ԱՊԱ» լրատվական գործակալությունը:
Ընդգծվում է, որ Ադրբեջանի պետական միգրացիոն ծառայության կողմից, չկարգավորված միգրացիայի դեմ պայքարի միջոցառումների շրջանակներում, 2025 թվականի առաջին կեսին կայացվել է 9714 որոշում՝ օտարերկրյա քաղաքացիների և քաղաքացիություն չունեցող անձանց մնալու, բնակության, աշխատանքի, ինչպես նաև այլ վարչական իրավախախտումների վերաբերյալ։
«Օտարերկրյա քաղաքացիներից 4246-ը, որոնց նկատմամբ վարչական որոշումներ են կայացվել, ձերբակալվել են չկարգավորված միգրացիայի դեմ պայքարի միջոցառումների շրջանակներում»,- ասված է գործակալության հրապարակման մեջ:
Բաժանորդագրվեք մեր ալիքին Telegram-ում