2 րոպեի ընթերցում
ԱՆՈՆՍ
12 հուլիս, 2025
Պետական կառույցներ
Ժամը 12:00-ին Գանձայում /Վրաստան, Նինոծմինդայի շրջան/ «Ջավախքին աջակցություն» հիմնադրամը (ՋԱՀ) կազմակերպում է հայ մեծանուն բանաստեղծ Վահան Տերյանի վերականգնված տուն-թանգարանի բացման պաշտոնական արարողությունը, ավանդական «Տերյանական օր» և Վահան Տերյանի ծննդյան 140-ամյակին նվիրված մշակութային տոնակատարությունները։ Միջոցառումներին կմասնակցեն պետական (ՀՀ ԿԳՄՍ նախարար, Վրաստանի մշակույթի նախարար, Վրաստանում ՀՀ դեսպան և այլք), հասարակական և մշակութային ոլորտների ներկայացուցիչներ, ինչպես նաև հիմնադրամի գործընկերներ և բարերարներ՝ Հայաստանից, Վրաստանից և սփյուռքից։ Վ.Տերյանի տուն-թանգարանը վերականգնել է «Ջավախքին աջակցություն» հիմնադրամը՝ բարերարների աջակցությամբ։ Տոնակատարությունները կազակերպում են ՋԱՀ-ը և Նինոծմինդայի մունիցիպալիտետը՝ ՀՀ ԿԳՄՍ նախարարության և Վրաստանում ՀՀ դեսպանության աջակցությամբ։ Միջոցառումներն անցկացվելու են Վահան Տերյանի ծննդավայրում՝ Վրաստանի Նինոծմինդայի շրջանի Գանձա գյուղում։ Լրագրողների փոխադրումը ՀՀ-ից դեպի Ջավախք և վերադարձ, ինպես նաև գիշերակացը կապահովի հիմնադրամը:
Կուսակցություններ, ՀԿ-ներ, միջազգային կազմ-ներ
Ժամը 18:00-ին Ազատության հրապարակում Արցախցիների իրավունքների պաշտպանության խորհուրդը կազմակերպում է մեծ հանրահավաք և կոչ է անում միավորվել Արցախի գաղափարի շուրջ ու Արցախի հարցը դարձնել համահայկական օրակարգ։