2 րոպեի ընթերցում
ԱՆՈՆՍ
11 հուլիս, 2025
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության ընտանիքներին տրվող նպաստների բաժնի պետ Արմեն Մարգարյանի ասուլիսը։ Թեմա. անհուսալի վարկեր ունեցող անձանց աջակցության ծրագիր․ արդյունքներն ու փոփոխությունները։
Մշակույթ
Ժամը 14:00-ին Կինոյի տանը (Վարդանանց 18) կկայանա Երևանի «Ոսկե ծիրան» 22-րդ միջազգային կինոփառատոնի միջազգային համագործակցություններին նվիրված մամուլի ասուլիս։ Ասուլիսի բանախոսներ՝ «Ոսկե ծիրան» կինոփառատոնի համահիմնադիր Սուսաննա Հարությունյան, ՀՀ-ում Նիդերլանդների Թագավորության դեսպան Մարիկե Մոնրոյ-Վինթեր, Հայաստանի ֆրանսիական ինստիտուտի գործադիր տնօրեն Դավիդ Տյուրս, Գյոթե ինստիտուտ Հայաստանի տնօրեն Յան-Թագե Քյուհլինգ: Կինոփառատոնն այս տարի տեղի կունենա հուլիսի 13-20-ը։ Roza Grigoryan, 077 30 34 84:
Ժամը 14:00-ին Հայաստանի ազգային գրադարանի մեծ դահլիճում կհյուրընկալվեն Կալիֆորնիայի համալսարանի Իրվայնի մասնաճյուղի հայագիտության ամբիոնի պատմության պրոֆեսոր, Հայագիտական կենտրոնի տնօրեն Հուրի Պէրպէրեանը և նույն համալսարանի Դեյվիսի մասնաճյուղի արվեստի պատմության պրոֆեսոր Թալին Գրիգորը (Տեր-Գրիգորյան)։ Վերջերս Ստենֆորդի համալսարանի հրատարակչությամբ լույս է տեսել Հուրի Պէրպէրեանի և Թալին Գրիգորի «Հայ կինը, փոքրամասնական յանձնառումն ու ազդակը եւ իրանական արդիութեան կերտումը. 1860-1979» / «The Armenian Woman, Minoritarian Agency, and the Making of Iranian Modernity, 1860-1979» արժեքավոր աշխատությունը։ Այս գրքով Հուրի Պէրպէրեանը և Թալին Գրիգորը ներկայացնում են առաջին պատմական ուսումնասիրությունը՝ նվիրված արդի Իրանի հայ կանանց։ 033 62 35 13: