2 րոպեի ընթերցում
ԱՆՈՆՍ
10 հուլիս, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Կուսակցություններ, ՀԿ-ներ, միջազգային կազմ-ներ
Ժամը 16:00-ին Երեւանում Ռուսական տունը (Բաղրամյան 34) հրավիրում է մասնակցելու «Горячее сердце» համառուսական հասարակական-պետական նախաձեռնության պատվավոր մրցանակի՝ Արեն Նազարյանի հանձնման արարողությանը։ 2023 թվականի աշնանը այն ժամանակ 12-ամյա Արենը 40 ժամ անցկացրեց ղեկին՝ իր տատիկին և պապիկին տեղափոխելով լեռնային ճանապարհով Ղարաբաղից դեպի Հայաստան։ Նա դարձավ 2025 թվականի մրցանակի հինգ միջազգային դափնեկիրներից մեկը՝ Եգիպտոսից, Բելառուսից, Աբխազիայից և Մերձդնեստրի համարձակների հետ միասին։ «Горячее сердце» մրցանակը շնորհվում է մինչև 23 տարեկան այն երեխաներին և երիտասարդներին, ովքեր հերոսություն են ցուցաբերել, օգնության են հասել ծայրահեղ իրավիճակներում, կամ չեն վախեցել պաշտպանել ուրիշներին։
Մամուլի ակումբներ
Ժամը 13:00-ին Մեդիա կենտրոնում տեղի կունենա քննարկում՝ «Ինչո՞ւ է մերժվում պայմանական վաղաժամկետ ազատման դիմումը. դատարանը պարտավորվում է բացատրել» թեմայով։ Բանախոսներ՝ Իրավունքի զարգացման և պաշտպանության hիմնադրամի իրավական հարցերով փորձագետ Դավիթ Գյուրջյան, փաստաբան, Հելսինկյան քաղաքացիական ասամբլեայի Վանաձորի գրասենյակի իրավաբանական բաժնի համակարգող Անի Չատինյան, քննարկմանը մասնակցելու հրավեր է ուղարկվել նաև ՀՀ արդարադատության նախարարություն, սակայն հրավերը մերժվել է։