2 րոպեի ընթերցում
ԱՆՈՆՍ
08 հուլիս, 2025
ՀՀ ԱԺ
Ժամը 10։00-ին Ազգային ժողովի նիստերի դահլիճում կշարունակվի արտահերթ նիստը։
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Մրցակցության պաշտպանության հանձնաժողովի անդամ Տիգրան Մարկոսյանի մամուլի ասուլիսը։ Թեմա. «Տնտեսական մրցակցության պաշտպանության մասին» և հարակից օրենքներում կատարված վերջին փոփոխությունները։
Կուսակցություններ, ՀԿ-ներ, միջազգային կազմ-ներ
Ժամը 12:00-ին Ինժեներական քաղաքում (Բագևանդ 21/1) տեղի կունենա «Ֆիլիպ Մորրիս Արմենիան»-ի (ՖՄԱ), Ձեռնարկությունների ինկուբատոր հիմնադրամի (ՁԻՀ) և Ինժեներական ասոցիացիայի հետ փոխըմբռնման հուշագրի ստորագրման արարողությունը: Հուշագրի ստորագրմանը ներկա կլինեն ՀՀ ԲՏԱ նախարար Մխիթար Հայրապետյանն ու ՖՄԻ տեխնոլոգիաների և հետազոտությունների փոխնախագահ Լուկա Ռոսին: Հուշագրի ստորագրման արարողության ժամանակ 9 ֆակուլտետային հետազոտական թիմերին պաշտոնապես կհանձնվեն 2025 թվականի ծրագրի ֆինանսավորման վկայականները՝ նշանավորելով նրանց ֆինանսավորվող հետազոտական գործունեության սկիզբը: 010 590058:
Մամուլի ակումբներ
Ժամը 15:00-ին Մեդիա կենտրոնում տեղի կունենա քննարկում՝ «Քրեական ենթամշակույթը և արդարադատության համակարգի հանդեպ անվստահությունը. պատճառ և հետևանք» թեմայով։ Բանախոսներ՝ «Քաղաքացիական հասարակության ինստիտուտ» ՀԿ տնօրեն, հաշտարար Արտակ Կիրակոսյան, մշակութային մարդաբան Աղասի Թադևոսյան:
Մշակույթ
Ժամը 16:00-ին «Անի Պլազա» հյուրանոցի «Դվին» սրահում տեղի կունենա «Արցախի կորուսյալ թանգարանների կատալոգների ստեղծման ծրագրի շնորհանդեսը։