2 րոպեի ընթերցում
ԱՆՈՆՍ
02 հուլիս, 2025
ՀՀ ԱԺ
Ժամը 11։00-ին Ազգային ժողովի նիստերի դահլիճում կշարունակվի ԱԺ արտահերթ նիստը։
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ ՆԳՆ Փրկարար ծառայության փրկարարական ուժերի վարչության պետի տեղակալ փ\ծ գնդապետ Բագրատ Վարդազարյանի, ՀՀ շրջակա միջավայրի նախարարության Էկոպարեկային ծառայության կենդանական և բուսական աշխարհին պատճառված վնասի հաշվարկի և վերլուծության վարչության պետ Էդուարդ Կարապետյանի ասուլիսը։ Թեմա. բարձր կարգի հրդեհավտանգ իրավիճակ, կանխարգելիչ միջոցառումներ։
Կուսակցություններ, ՀԿ-ներ, միջազգային կազմ-ներ
Ժամը 11:00-ին Հայաստանում Շվեդիայի Թագավորության դեսպան Պատրիկ Սվենսոնը կայցելելի Exrade ընկերության ցուցասրահ /Ազատության պողոտա 24/15, Բիզնես պարկ/։ Այցի հիմնական նպատակն է՝ խթանել հայ-շվեդական գործարար համագործակցությունը և նպաստել երկու երկրների միջեւ բիզնես կամուրջների զարգացմամբ։ +374 98 61 38 06:
Ժամը 14:30-ին Հայաստանի ամերիկյան համալսարանի (ՀԱՀ) Փարամազ Ավետիսեան մասնաշենքի Մանուկեան սրահում կկայանա Տնտեսագետների հայկական ասոցիացիայի (ՏՀԱ) 15-րդ տարեկան գիտաժողովի ամփոփիչ օրը։ Այս տարվա գիտաժողովը միավորել է ավելի քան 100 տնտեսագետների և հետազոտողների ամբողջ աշխարհից: «Արդյո՞ք անհավասարությունն արգելակում է աճը» թեմայով քննարկումը կեզրափակի եռօրյա նիստերը և մասնագիտական շփումները։ Քննարկման խոսնակներն են. տնտեսագետ Սթիվեն Դուրլոֆֆը (Չիկագոյի համալսարան), Մանուկեան Սիմոն գործարարության և տնտեսագիտության ֆակուլտետի դեկան Վաչե Գաբրիելյանը (ՀԱՀ), Համաշխարհային բանկի հայաստանյան գրասենյակի տնտեսագետ Լեա Հաքիմը և տնտեսագետ Արիել Քալիլը (Չիկագոյի համալսարան)։ Քննարկումը կվարի տնտեսագետ Ռուբեն Ենիկոպոլովը (Պոմպեու Ֆաբրա համալսարան)։ Հաղորդակցության մենեջեր Բելլա Կարապետյան, +374 60 612 514: