5 րոպեի ընթերցում
ԱՆՈՆՍ
24 հունիս, 2025
Պետական կառույցներ
Ժամը 10:00-ին Երեւանի քաղաքապետարանում գումարվելու է Երևան քաղաքի ավագանու 4-րդ նստաշրջանի 5-րդ նիստը:
Ժամը 11:00-ին «Էլիտ Պլազա» բիզնես կենտրոնի «Մանթաշով» սրահում (Մովսես Խորենացի 15) կկայանա «Քաղաքացիական օրենսգրքում փոփոխություններ և լրացումներ կատարելու մասին» և ««Զանգվածային լրատվության մասին» օրենքում փոփոխություններ և լրացումներ կատարելու մասին» օրենսդրական նախագծերի վերաբերյալ քննարկում։ Քննարկման ընթացքում կներկայացվեն օրենքների նախագծերի հիմնական դրույթները, նպատակները, ինչպես նաև նախատեսվում է հարցուպատասխան և կարծիքների փոխանակում: Քննարկումը կազմակերպվում է ՀՀ արդարադատության նախարարի տեղակալ Տիգրան Դադունցի գլխավորությամբ, ինչպես նաև ոլորտային ՀԿ-ների ներկայացուցիչների մասնակցությամբ: ՀՀ արդ.նախ. +374 93 13 59 20:
Ժամը 11:00-ին Հայոց ցեղասպանության հուշահամալիրի Հուշապատին Հայոց ցեղասպանության 110-րդ տարելիցի և «ցեղասպանություն» եզրույթի հեղինակ, միջազգային իրավունքի ականավոր գործիչ Ռաֆայել Լեմկինի ծննդյան 125-ամյակի կապակցությամբ հուշահամալիրի Հուշապատին տեղի կունենա Ռաֆայել Լեմկինի գերեզմանից բերված հողի զետեղման և հուշաքարի բացման հանդիսավոր արարողությունը՝ ի նշան ցեղասպանությունների ճանաչման և կանխարգելման գործում նրա ունեցած մեծ ավանդի։ Ծրագիր. 11:00 - Ռաֆայել Լեմկինի գերեզմանից բերված հողի զետեղման և նրա հուշաքարի բացման հանդիսավոր արարողություն, ողջույնի խոսք՝ Հայոց ցեղասպանության թանգարան-ինստիտուտի տնօրեն Էդիտա Գզոյան: 11:30-12:00-ը - բանախոսություններ (ՀՑԹԻ գիտաժողովների դահլիճ), Վիտոլդ Ռեպետովիչ, Նարեկ Պողոսյան:
Ժամը 12:00-ին «Հայաստան» համահայկական հիմնադրամի կողմից տեղի կունենա Նոյեմբերյանի Ն.Նասիբյանի անվան հիվանդանոցի ինֆեկցիոն բաժանմունքի պաշտոնական բացումը: Ներկա կլինեն «Հայաստան» համահայկական հիմնադրամի գործադիր տնօրենի ժամանակավոր պաշտոնակատար Զարուհի Ազնաուրյանը, «Հայաստան» համահայկական հիմնադրամի ԱՄՆ տեղական մարմնի գործադիր տնօրեն Ազատուհի Կարաօղլանյանը, Տավուշի մարզպետ Հայկ Ղալումյանը և այլ ՀՀ պաշտոնատար անձինք: Հարկ եղած պարագայում Հիմնադրամը կապահովի տվյալ ԶԼՄ-ի տեղափոխությունը, հեռ. 096869596:
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Կ.Ստանիսլավսկու անվան ռուսական դրամատիկական թատրոնի տնօրեն Սուրեն Շահվերդյանի, տնօրենի խորհրդական, նախագծի ղեկավար Մարիաննա Մխիթարյանի, դերասանուհիներ Լիլիա Մուկուչյանի և Թեհմինե Խաչատրյանի մամուլի ասուլիսը։ Թեմա. Կ.Ստանիսլավսկու անվան ռուսական դրամատիկական թատրոնի մասնակցությունը Չեխովի անվան միջազգային թատերական փառատոնին:
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Արենի համայնքային զարգացման» հիմնադրամի տնօրեն Սյուզան Մարգարյանի, Արենիի համայնքապետարանի աշխատակազմի առաջատար մասնագետ Արմինե Վարդանյանի ասուլիսը։ Թեմա. Արենի համայնքի Ռինդ բնակավայրում անցկացվելու է «Տադի շորվա» ամենամյա մշակութային փառատոնը:
Մամուլի ակումբներ
Ժամը 11:30-ին Sputnik Արմենիա հարթակի միացմամբ Մինսկ-Մոսկվա-Աստանա-Բիշքեկ-Երևան տեսակամուրջի ձևաչափով տեղի կունենա IV Եվրասիական տնտեսական հանձնաժողովի մրցակցության և հակամենաշնորհային կարգավորման հարցերով նախարար Մաքսիմ Երմոլովիչի մամուլի ասուլիսը։ Ասուլիսը տեղի կունենա հունիսի 26-27-ը Մինսկում կայանալիք «Եվրասիական տնտեսական ինտեգրման ռազմավարություն. արդյունքներ և հեռանկարներ» թեմայով Եվրասիական տնտեսական համաժողովի նախօրեին, որի շրջանակներում հատուկ ուշադրություն է դարձվելու ժամանակակից մրցակցային քաղաքականությանը:
Մշակույթ
Ժամը 14:00-ին ՀԳՄ կլոր սրահում տեղի կունենա «Ստեղծագործում են ոստիկանության վետերանները» գրական-երաժշտական ցերեկույթ՝ նվիրված Հանրապետության ոստիկանության վետերանների խորհրդի ստեղծման 55-ամյակին։ Հայաստանի գրողների միություն, ՀՀ Երեւանի «կենտրոն» վարչական շրջանի Ոստիկանության վետերանների խորհուրդ: